web counter
LEXO PA REKLAMA!

SHKARKO APP

App Store
Google Play

SPAK me agjentë të infiltruar/ Planifikon krijimin e njësisë operative brenda BKH për hetime më të pavarura

15 Mars 2026, 13:34, Aktualitet CNA

SPAK me agjentë të infiltruar/ Planifikon krijimin e njësisë

Prokuroria e Posaçme Kundër Korrupsionit dhe Krimit të Organizuar po planifikon ngritjen e një njësie operative brenda Byrosë Kombëtare të Hetimit, me qëllim të kryerjes së veprimeve hetimore në mënyrë të infiltruar dhe të pavarur nga Policia e Shtetit.

Sipas raportit vjetor të SPAK, njësia e re do të kufizojë ndjeshëm mundësinë e rrjedhjes së informacionit gjatë hetimeve dhe do të forcojë kapacitetin operacional të Byrosë.

Kjo iniciativë vjen pas shqetësimeve të shprehura nga prokuroria për dekonspirim të aksioneve dhe pengesa në operacione të mëparshme.

BKH, e ngritur sipas modelit të FBI-së amerikane, ka tashmë nën kompetencë përgjimet dhe njësinë parandaluese, edhe pse njësia e vlerësimit të riskut nuk funksionon ende.

Zyrtarët nuk kanë dhënë shpjegime për këtë vonesë, pavarësisht kërkesave të vazhdueshme nga ish-drejtoresha e Byrosë.

Në objektin e ri ku do të zhvendoset Byroja, çdo zyrë e marrjes në pyetje do të jetë e pajisur me sisteme kamerash dhe regjistrimi audio, për të siguruar dokumentim të plotë të çdo hetimi. SPAK shprehet se kjo strukturë e re do të hapë një dimension të ri në hetimet e komplikuara, duke e bërë Byronë më të pavarur dhe më efektive./ CNA

 





Lajmet e fundit nga