web counter
LEXO PA REKLAMA!

SHKARKO APP

App Store
Google Play

18 vjet nga tragjedia e Gërdecit/ Familjarët kërkojnë drejtësi

15 Mars 2026, 13:23, Aktualitet CNA

18 vjet nga tragjedia e Gërdecit/ Familjarët kërkojnë

Këtë të diel shënohen 18 vjet nga tragjedia e Gërdecit, një nga katastrofat më të rënda në Shqipëri në kohë paqeje, ku humbën jetën mbi 26 persona dhe u plagosën qindra të tjerë, ndërsa zona u shkatërrua nga shpërthimi i municioneve.

18 vite më vonë, procesi gjyqësor për përgjegjësinë e kësaj tragjedie vijon në Gjykatën e Posaçme Kundër Korrupsionit dhe Krimit të Organizuar, ku akuzohet ish-ministri i Mbrojtjes, Fatmir Mediu.

Akuza ndaj tij lidhet me vendimin për të lejuar demontimin e municioneve nga një kompani private, pranë zonave të banuara, pa mbikëqyrje të rreptë dhe pa siguri të mjaftueshme.

Familjarët e viktimave shprehen se procesi ka patur pengesa politike dhe se vonesat në gjykim kanë zgjatur për vite me radhë, duke përfshirë edhe periudha kur Mediu përfitonte imunitet parlamentar.

Ata kërkojnë drejtësi, duke nënvizuar se nuk bëhet fjalë për hakmarrje, por për siguri që një tragjedi e tillë të mos përsëritet.

Nga ana tjetër, ish-ministri Mediu ka mohuar çdo përgjegjësi, duke përfshirë shpërthimin dhe humbjen e jetëve, dhe ka paraqitur argumente që procesi është i pabazuar dhe politik.

Familjarët kundërshtojnë këto pretendime, duke theksuar se vendimet e tij kanë pasur një rol të drejtpërdrejtë në zinxhirin shkak-pasojë që çoi në katastrofë./ CNA





Lajmet e fundit nga