web counter
LEXO PA REKLAMA!

SHKARKO APP

App Store
Google Play

Berisha: Prokurori i Përgjithshëm dhe KLGJ morën në mbrojtje Irena Gjokën

16 Mars 2026, 10:22, Aktualitet CNA

Berisha: Prokurori i Përgjithshëm dhe KLGJ morën në mbrojtje

Kryetari i Partisë Demokratike, Sali Berisha, ka folur për mediat pas daljes nga SPAK-u, ku u paraqit në zbatim të masës “detyrim paraqitje”.

Berisha gjatë fjalës së tij tha se Prokurorit të Përgjithshëm iu deshën dy vite për të nxjerrë një vendim për gjyqtaren Irena Gjoka. Ndër të tjera shtoi se edhe Këshilli i Lartë Gjyqësor mbrojti Irena Gjokën.

“Nëse ka një sistem turpi dhe qesharak është ky sistem drejtësie. Do t'ju jap vetëm një shembull. Irena me 5 mbiemra lëshoi në këmbët e saj Prokurorin e Përgjithshëm që iu deshën dy vite për të nxjerrë një vendim që ishte evident që në javën e parë. Prokurori i Përgjithshëm i ka lëpirë çizmet Irenës me shumë mbiemra.

Pas Prokurorit të Përgjithshëm, kulim e arrin KLGJ-ja, e cila ka hedhur poshtë kërkesat për shqyrtimin e saj dhe njërën radhë, imagjinoni ju këtu, pasi avokatëve të mi iu ktheu përgjigje me shkrim se Irena me 5 mbiemra ka qenë e shkarkuar nga ish-presidenti i Republikës, kryetari i KLD-së, Sali Berisha në vitin 1996, kur ky dokument u kërkua nga deputetët e PD-së 3 javë më vonë, iu përgjigj se ndaj kësaj zonje nuk ekziston një dokument i tillë. KLGJ ka mbrojtur Irena Gjokën. Pastaj vjen ILD-ja pasi dokumentet kalonin nga njëri te tjetri. Ato nuk i japin dosjen palës ankuese. Kontrolli i Edi Ramës ndaj tyre provohet në muajt e fundit. Këto institucione nuk guxojnë të bëjnë deklarata për sulmet që Rama i bën”, shprehet Berisha. /CNA





Lajmet e fundit nga