web counter
LEXO PA REKLAMA!

SHKARKO APP

App Store
Google Play

E fundit!

x

Shehaj: Disa kompani në Shqipëri janë të sanksionuara për financim nga terrorizmi

17 Mars 2026, 20:25, Aktualitet CNA

Shehaj: Disa kompani në Shqipëri janë të sanksionuara

Ekspertja e ekonomisë, Brisida Shehaj u shpreh sot kritike lidhur me disa kompani që operojnë në vendin tonë, që sipas saj janë të çuditshme dhe nuk u dihen pronarët.

E ftuar në “Syri Tv”, Shehaj u shpreh se disa prej tyre janë kompani të sanskionuara, pasi financohen nga lidhjet e tyre me terrorizmin.

“Shumë afera janë të lidhura me kompani të çuditshme. Janë kompani të cilat nuk u dihen pronarët. Për shembull te Rafineria dikur, po një investigim të Plugut, doli që kompania ishte e lidhur dhe financohej nga Gunvori, një kompani me lidhje ruse e sanksionuar nga Departamenti i Thesarit në Shtetet e Bashkuara të Amerikës.

Më pas tek kompania e inceneratorit, që lidhej po me disa nga këta që ishin të ARMO-s, këta aksionerët që ishin pas, pra këta që janë tani në letra që thonë jemi, por nuk jemi, dhe ndërkohë ishte, me sa mbaj mend, Alberto Preseci, Franco Tosi Meccanica, ka qenë kompani e cila kishte kontrata shumë të mëdha dhe bashkëpunim me kompaninë shtetërore të Iranit për energjinë. Nuk ja mbaj mend emrin mirë tani kompanisë shtetërore që kanë ata, por që ishte dhe u publikuan dhe artikuj dhe kontratat që ata kishin.

Në rastin konkret, situata është dhe më e rëndë. Përtej aferës që është e anijeve, që vazhdon akoma të hetohet nga SPAK-u.

U arrit të faktohej që përpos procedurës së blerjes së naftës, ku importuesi do ishte KESH-I, kompania e cila e solli në Shqipëri, ishte një kompani e Mad Energy, naftën, edhe pse vinte nga Malta, deklarohej si naftë algjeriane, nga të dhënat u pa që kjo kompani ishte e lidhur me një kompani tjetër turke,  ASB Group. Kompani e dënuar për krime federale në Amerikë. Pronari i dënuar, i kësaj kompanie i dënuar për financim terrorizmit që dolën gjatë hulumtimeve të Iran Leaks. Po në 2020-ën, që kishim dhe pandeminë dhe ndërkohë ishte në embargo, -  pra kishin filluar problemet dhe ishin këto sanksionet për Iranin, - kjo kompani nëpërmjet një kontrate, një kompanie të hapur po dhe në Shqipëri, ka shitur rreth 36 milionë dollarë naftë iraniane.

Pra Kompani në kohë sanksionesh, kompani të sanksionuara, pronari i kësaj i dënuar për financim terrorizmi.

Tani është porti i Durrësit për shembull, që u tërhoq kompania, ndërkohë dilte fare qartë edhe nga denoncimi që bëri Arben Ahmetaj, por dhe nga një hulumtim i thjeshtë mund ta bënte kushdo, Porto Romano, që ishin kompani që lidheshin me kompani ruse. Apo  siç është problemi me TEC-in e Roskovecit, që ne kemi zyrtarë shqiptarë që mashtruan deputetët në Kuvend, në komisionin për burimet natyrore, që i thanë po, ai TEC-i do jetë me gazin që vjen nga TAP-i. Ndërkohë ishte mashtrim, sepse tashmë është zyrtare dhe është e konfirmuar që ata do të përdornin TAP-in si rrugë, por gazi nuk do ishte nga Azerbajxhani dhe nuk dihej se çfarë gazi do të jetë. Se rus, se jo rus, nuk e dime. Këtë duhet të na e thonë këta qeveritarët tanë që vazhdojnë.

Pra, kjo historia e rezolutave, për mua nuk ka pikë vlere, sepse ti e ke tashmë edhe ambasadën e tyre e ke larguar.

Pra, në qoftë se mbledhim 36 milionë në 2020-ën edhe 11 në 2024-ën, vetëm në një transaksion ti ke diku te 50 milionë dollarë që ky është financim që ti i bën.
Strukturat tona, as shërbimi informativ, por sot që flasim as SPAK-u apo Krimet e Rënda dikur që e kishin shumë në fokus pra. Nëse sot partnerët tanë kanë në fokus sigurisht edhe korrupsionin. Unë prapë jam e bindur që edhe në këto momente siç është goditja e Belinda Ballukut apo goditja te AKSHI-i bëhet për qëllime më madhore sesa korrupsioni i vendit. Korrupsionin duhet ta dënojmë ne, shqiptarët, duhet ta dënojnë SPAK-u, duhet ta dënojë politika. Pra ne duhet të jemi si popull të ngritur në këmbë për të luftuar korrupsionin, për sa kohë është një shërbim, një para e vjedhur, një shërbim që ne nuk e marrim e shpopullohemi. Kurse partnerët që kanë arritur të ndërhyjnë apo të bashkëpunojnë si me dosjet e përgjimeve të Sky Encros, apo sot hetimet në Ministrinë e Infrastrukturës dhe Energjisë apo te ARRSH-i bëhet sigurisht sepse nga këto para financohen apo pastrohen biznese të tjera përtej, përtej korrupsionit”,-tha Shehaj./CNA

 





Lajmet e fundit nga