web counter
LEXO PA REKLAMA!

SHKARKO APP

App Store
Google Play

Gjykata e Posaçme kalon për gjykim dosjen e Benet Becit

17 Mars 2026, 15:24, Aktualitet CNA

Gjykata e Posaçme kalon për gjykim dosjen e Benet Becit

Gjykata e Posaçme ka kaluar për gjykim dosjen ndaj kryebashkiakut të Shkodrës, Benet Beci.

Beci është marrë i pandehur për shkelje në barazisë në tenderë lidhur me periudhën kur drejtonte KESH-in.

Beci akuzohet se ka shkelur barazinë mes operatorëve në një tender konsulence të zhvilluar nga KESH në vitin 2019 me objekt “Zhvillimi Strategjik i Sektorit Energjetik”.

Për gjykim ka kaluar dhe dosja për 6 zyrtarë të tjerë.

 

Njoftimi i GJKKO

 

REPUBLIKA E SHQIPËRISË

GJYKATA E POSAÇME E SHKALLËS SË PARË PËR KORRUPSIONIN DHE KRIMIN E ORGANIZUAR

1. Prokuroria e Posaçme kundër Korrupsionit dhe Krimit të Organizuar me datë 08.01.2026 ka paraqitur pranë Gjykatës kërkesën me objekt: “Dërgimin në gjyq të çështjes penale që i përket procedimit penal numër 196, të vitit 2024, në ngarkim të pandehurve Benet Beci, Adela Ruko, Edlira Mitrushi, Jonid Kazani, Yllka Nishku, Premtim Dauti dhe Rudin Gjoni”.

2. Në seancën e datës 17.03.2026 (seanca paraprake), Gjykata e Posaçme e Shkallës së Parë për Korrupsionin dhe Krimin e Organizuar me trup gjykues të përbërë nga gjyqtarja Marinela Osmani, pasi shqyrtoi pretendimet e palëve, me vendimin nr. 63, datë 17.03.2026, vendosi:

1. Pranimin e kërkesës së Prokurorisë së Posaçme kundër Korrupsionit dhe Krimit të Organizuar. 2. Dërgimin e çështjes penale që i përket procedimit penal numër 196, të vitit 2024, për gjykim në gjykatën kompetente, Gjykata e Posaçme e Shkallës së Parë për Korrupsionin dhe Krimin e Organizuar, në ngarkim të pandehurve: 1. Benet Beci, akuzuar për kryerjen e veprës penale të “Shkeljes së barazisë së pjesëmarrësve në tendera apo ankande publike”, të kryer në bashkëpunim, parashikuar nga nenet 258, 25, të Kodit Penal.

2. Adela Ruko, akuzuar për kryerjen e veprës penale të “Shkeljes së barazisë së pjesëmarrësve në tendera apo ankande publike”, të kryer në bashkëpunim, parashikuar nga nenet 258, 25, të Kodit Penal.

3. Edlira Mitrushi, akuzuar për kryerjen e veprës penale të “Shkeljes së barazisë së pjesëmarrësve në tendera apo ankande publike”, të kryer në bashkëpunim, parashikuar nga nenet 258, 25, të Kodit Penal.

4. Jonid Kazani, akuzuar për kryerjen e veprës penale të “Shkeljes së barazisë së pjesëmarrësve në tendera apo ankande publike”, të kryer në bashkëpunim, parashikuar nga nenet 258, 25, të Kodit Penal.

5. Yllka Nishku, akuzuar për kryerjen e veprës penale të “Shkeljes së barazisë së pjesëmarrësve në tendera apo ankande publike”, të kryer në bashkëpunim, parashikuar nga nenet 258, 25, të Kodit Penal.

6. Premtim Dauti, akuzuar për kryerjen e veprës penale të “Shkeljes së barazisë së pjesëmarrësve në tendera apo ankande publike”, të kryer në bashkëpunim, parashikuar nga nenet 258, 25, të Kodit Penal.

7. Rudin Gjoni, akuzuar për kryerjen e veprës penale të “Shkeljes së barazisë së pjesëmarrësve në tendera apo ankande publike”, të kryer në bashkëpunim, parashikuar nga nenet 258, 25, të Kodit Penal. 3. Në bazë të nenit 332/ë të Kodit të Procedurës Penale formimin e fashikullit të gjykimit, i cili përmban të gjitha aktet e kryera gjatë hetimeve paraprake të procedimit penal nr. 196 të vitit 2024, të Prokurorisë së Posaçme kundër Korrupsionit dhe Krimit të Organizuar, si dhe ato të marra në seancë paraprake, të paraqitura nga palët dhe të administruara nga gjykata. 4. Së bashku me kërkesën e Prokurorisë së Posaçme për dërgimin e çështjes në gjyq, dërgohen edhe kërkesat e të pandehurve: 1. Benet Beci, 2. Adela Ruko, 3. Edlira Mitrushi, 4. Jonid Kazani, 5. Yllka Nishku dhe 6. Rudin Gjoni, për gjykim të shkurtuar. 5. Kundër vendimit për dërgimin e çështjes në gjyq ligji nuk lejon ankim. Tiranë, më datë 17.03.2026 Gjykata e Posaçme e Shkallës së Parë për Korrupsionin dhe Krimin e Organizuar.





Lajmet e fundit nga