web counter
LEXO PA REKLAMA!

SHKARKO APP

App Store
Google Play

Përgatitja e bashkive për sezonin turistik/ Demo: Duhen përmirësime në menaxhimin e mbetjeve

17 Mars 2026, 12:45, Aktualitet CNA

Përgatitja e bashkive për sezonin turistik/ Demo: Duhen

Ministri i Shtetit për Pushtetin Vendor, Ervin Demo, ka zhvilluar ditën e sotme një konferencë për mediat, ku ka folur edhe lidhur me sezonin turistik dhe përgatitjen e bashkive.

Demo u shpreh se bashkitë po bashkëpunojnë me Ministrinë e Mjedisit dhe atë të Turizmit për shërbime parësore, kryesisht atë të pastrimit.

Ndër të tjera, ministri tha se ka ende shumë për të përmirësuar sa i përket menaxhimit të mbetjeve që sipas tij nuk duhet të jetë vetëm sezonale.

“Kemi bashki sot që sezoni turistik nuk ndalon më. Bashkitë po punojnë ngushtësisht me qeverinë, Ministrinë e Mjedisit dhe Ministrinë e Turizmit, sidomos kur flasim për shërbimë parësore si pastrimi. Qeveria vijon të mbështesë bashkitë për këtë shërbim. Por duhet ta pranojmë se ka shumë për të përmirësuar sa i përket menaxhimit të mbetjeve. Kjo nuk duhet të jetë sezonale, por duhet të jetë qasje. Jemi duke diskutuar me Ministrinë e Mjedisit dhe bashkitë për të ndërtuar një model më të qëndrueshëm sa u përket mbetjeve në të gjithë territorin.

Ne duhet të garantojmë që brenda një periudhe kohe të përshtatshme, mbulimi i territorit të bëhet 100% nga bashkia. Është sfidues dhe me kosto, por nuk ka zgjidhje tjetër. Jemi duke punuar për një model të qëndrueshëm edhe nga pikëpamja financiare. Të gjitha bashkitë kanë filluar me pastrimin e brigjeve detare dhe liqeneve. Shqipëria tashmë ka një turizëm që prek gjithë territorin. Bashkitë po punojnë që gjithë rrjeti rrugor të jetë në kushtet e duhura për sezonin dhe banorët. Bashkërendimi i punëve mes bashkive dhe ministrive është punë që bëhet për të krijuar një sinergji mes aktorëve dhe për të pasur një sezon sa më të suksesshëm”, u shpreh Demo. /CNA





Lajmet e fundit nga