web counter
LEXO PA REKLAMA!

SHKARKO APP

App Store
Google Play

E fundit!

x

Projektligji i ri për rezervën e naftës/ Karakaçi: Nuk do të ketë mungesë, do të ruhet nga agjencia shtetërore

18 Mars 2026, 14:54, Aktualitet CNA

Projektligji i ri për rezervën e naftës/ Karakaçi: Nuk do

Ministri i Infrastrukturës dhe Energjisë, Enea Karakaçi, njoftoi se projektligji i ri për rezervën e naftës do të sjellë menaxhimin e rezervave nga një agjenci shtetërore për deri në 90 ditë, duke shmangur ruajtjen e tyre nga kompanitë private. Sipas ministrit, kjo masë do të sigurojë që tregu të mos pësojë mungesa, edhe në situata të jashtëzakonshme.

Karakaçi theksoi se deri tani kontrolli në pikat e shitjes ka treguar se nuk ka abuzim me çmimin e naftës, dhe se marzhet e fitimit të kompanive, 13–14 lekë për litër, janë të pranueshme. Ai shtoi se çmimi në Shqipëri përcaktohet kryesisht nga vlera e importit, dhe kosto reale për litër ka qenë 147 lekë pa TVSH.

Kryeministri Edi Rama theksoi se nafta e nxjerrë në Shqipëri është e rëndë dhe nuk përdoret direkt për konsum të përgjithshëm, por kryesisht për industrinë, pasi përpunimi kërkon rafineri dhe kosto të larta.

“Për detyrimin e rezervës, që është e përllogaritur në bazë të xhiros ditore të vitit të kaluar ne kemi njoftuar të gjithë operatorët se kanë detyrimin të mbajnë rezervën 30 ditë, dhe pjesën tjetër të kontraktuar në mënyrë tjetër, me qëllim që të mos ketë mungesë të hidrokarburit.

Bllokimi i kanalit të Hormuzit nuk ka ndikuar në furnizimet në vendin tonë. Projektligji i ri për rezervën e naftës i hartuar në përputhje me direktivën e Bashkimit Europian do të miratohet në qeveri brenda 2-3 javësh.

Sipas projektligjit të ri, rezervat e naftës nuk do të mbahet më nga kompanitë, por nga një agjenci shtetërore që do të sigurojë garantimin fizik të hidrokarburit deri në 90 ditë. Çmimi në pikën fundore në Shqipëri pjesën më të madhe e zë vlera e importit. Dhe kjo e bën të luhatshëm çmimin në Shqipëri dhe 147 lekë pa TVSH ka qenë kostoja reale për produktin. Kjo tregon që ka fitim 13 deri 14 lekë bruto, që është një marzh i pranueshëm. Nuk kemi parë abuzim në çmime dhe për këtë nuk e kemi parë të arsyeshme ngritjen e bordit. Siç ka treguar edhe historia në të shkuarën nuk ka rritur të jetë një naftë për përdorim konsumi, por përveç përdorimit për industrinë”, tha Karakaçi./ CNA





Lajmet e fundit nga