web counter
LEXO PA REKLAMA!

SHKARKO APP

App Store
Google Play

E fundit!

x

Kalimi i dosjes për gjykim/ Kryemadhit i "del tymi", sulmon drejtësinë

18 Mars 2026, 12:37, Aktualitet CNA

Kalimi i dosjes për gjykim/ Kryemadhit i "del tymi", sulmon

Ish-deputetja Monika Kryemadhi reagoi për mediat pas vendimit të GJKKO-së për të kaluar çështjen për gjykim. Në deklaratën e saj, Kryemadhi e cilësoi procesin si politik dhe theksoi se do të përballet me akuzat në seancat gjyqësore. Ajo shtoi se gjatë seancës gjyqtarja kishte përmendur elementë që sipas saj nuk ishin paraqitur nga prokuroria.

Ish-deputetja e quajti drejtësinë “qesharake”, por theksoi se vendimi mund t’i japë mundësinë Gjykatës Europiane të të Drejtave të Njeriut për të shqyrtuar çështjen e Metës në Strasburg.

Ajo shtoi se beteja nuk do të zhvillohet vetëm në sallën e gjyqit, por edhe në opinionin publik.

“Akuzohemi se kemi bërë korrupsion unë e Adrian Shatku, por ky i fundit nuk është marrë kurrë në pyetje. Është një drejtësi qesharake, ka një të mirë ky vendim se në Strasburg zotit Meta i jep një shans të madh për të treguar veten e tij. 

Ky është një gjyq politik. Kjo nuk është betejë ligjore. Beteja jonë është betejë me vetveten. Sa i përket vendimit të sotëm mund të them që ishte një vendim nën presion. Gjyqtarja pranoi se në dosjen 90% e akuzës së prokurorëve nuk ka asnjë provë”, tha Kryemadhi./ CNA





Lajmet e fundit nga