web counter
LEXO PA REKLAMA!

SHKARKO APP

App Store
Google Play

E fundit!

x

"Ajo që po ndodh në Durrës është kriminale"/ Deputeti publikon pamje nga plazhi i ndotur

18 Mars 2026, 21:55, Aktualitet CNA

"Ajo që po ndodh në Durrës është kriminale"/

Deputeti i Partisë Demokratike, Igli Cara ka publikuar pamje nga plazhi i Durrësit ku shihet se është i ndotur.

Cara shkruan se ajo që po ndodh në Durrës është kriminale dhe plazhi i Durrësit ka mbetur të tregohet vetëm si përrallë.

Demokrati thotë se janë shpërdoruar fondet për të tjetërsuar plazhin publik. Cara shprehet se nuk mund të lejohet që një pasuri kombëtare të dëmtohet në mënyrë të pakthyeshme vetëm për t’i shërbyer pushtetit

 

“Na ishte një herë plazhi i Durrësit, i bekuar nga natyra!
Do të duhet ta tregojmë si një përrallë, sepse ajo që po ndodh në Durrës është kriminale.
Shpërdorim i fondeve publike për të tjetërsuar plazhin historik të shqiptarëve është korrupsion i pastër i Rama, Sako & CO! Pa dyshim, ky nuk është i vetmi projekt, që ka si kryefjalë korrupsionin, duke cënuar identitetin e një qyteti unik, siç është Durrësi!

Është për të ardhur keq kur sheh se si një plazh zhduket. Dhe kjo në fakt është vepër kriminale. Një plazh ta zhdukësh dhe ta transformosh, duke shpërdoruar me dhjetëra milionë euro po të shqiptarëve, është realisht krim. Afro 10 muaj më parë, së bashku me arkitekten Entela Koja bëmë një denoncim në prokurori. Akoma s'kemi marrë asnjë përgjigje. Dhe pyetja është: A funksionon drejtësia? A është e pranueshme kjo? Këtu nuk jam sot si politikan. Jam mbi të gjitha si durrsak dhe nuk mund të rrijë dhe të hesht kur shoh këtë masakër mjedisore. Nuk mundet që një pasuri e tillë kombëtare, që na ka bekuar Zoti me këtë natyrë, ta dëmtojmë në këtë mënyrë të pakthyeshme, thjesht dhe vetëm për t'i shërbyer xhepit të pushtetarëve të sotëm dhe miqve të Ramës duke filluar që këtu te Alabbari që ka marrë me mijëra e mijëra metra katrorë në zonën e Agipit. Një çështje që mbi të gjitha ka lidhje me korrupsionin e madh të kësaj qeverie dhe kësaj bashkie”, shprehet Cara në video.





Lajmet e fundit nga