web counter
LEXO PA REKLAMA!

SHKARKO APP

App Store
Google Play

E fundit!

x

Mediu nga Uashingtoni: Alarm për KFOR-in dhe ndikimin ruso-kinez në Ballkan, kërkohet 5% për mbrojtjen

19 Mars 2026, 09:35, Aktualitet CNA

Mediu nga Uashingtoni: Alarm për KFOR-in dhe ndikimin ruso-kinez në

Deputeti Fatmir Mediu, nga një seri takimesh në Departamentin e Shtetit të SHBA-së dhe Asamblenë Parlamentare të NATO-s, theksoi domosdoshmërinë e rritjes së shpenzimeve të mbrojtjes në 5% dhe forcimin e NATO-s.

Ai paralajmëroi për rrezikun e uljes së pranisë në KFOR, në një kohë kur rritet ndikimi i Rusisë dhe Kinës në Ballkan.

“Takimi i parë u zhvillua në Departamentin e shtetit, ku ndihmëssekretari i Shtetit për Europën dhe Azinë, z. Brendan Hanrahan, prezantoi qëndrimin e SHBA-së dhe Presidentit Trump për forcimin e NATO-s.

Së pari, rritja e shpenzimeve të mbrojtjes në 5% si një domosdoshmëri jetike për Aleancën dhe sigurinë.

Së dyti, krijimi i një mbështetjeje të fortë të këtyre shpenzimeve nga industria e mbrojtjes, zhvillimi i shpejtë i saj si dhe nevoja që Europa të zhvillojë një industri mbrojtjeje që të garantojë nivele të larta operacionaliteti dhe ndërveprimi duke hequr dorë nga politika proteksioniste që dëmtojnë bashkëpunimin dhe forcimim e Aleancës. Ai ritheksoi fjalën e sekretarit të Shtetit Marco Rubio se SHBA-ja do një Europë të fortë.

Gjatë bashkëbisedimit e pyeta ndihmëssekretarin Hanrahann për angazhimin e SHBA-së në Ballkan për bashkëpunimin në shpenzime të përbashkëta të vendeve të NATO-s dhe ato partnere për të rritur bashkëpunimin politik, detrrancën ushtarake dhe investimet amerikane në Ballkan.

Po ashtu e pyeta për shqetësimin e një grupi kongresmenësh drejtuar Sekretarit Rubio për reduktimin e prezencës ushtarake në KFOR, ndërkohë që Serbia jo vetëm ka rritur shpenzimet ushtarake, por ka mbështetje nga Rusia dhe Kina siç ishte dhe rasti i fundit i blerjes së raketave me natyrë tërësisht ofensive.

Po ashtu Zv/Ndihmëssekretari i shtetit për kontrollin e tregtisë së Mbrojtjes z.Michael Vaccarro.

Ai prezantoi gjithë angazhimin e SHBA-së për shkëmbimet dhe tregtinë në fushën e mbrojtjes dhe rëndësinë e kuptimit të përbashkët të vendeve të NATO-s.

Në diskutimin tim vura theksin e nevojës për njësimin e politikave të kontrollit edhe në Shipëri dhe vendet e Ballkanit jo vetëm me ligjet për kontrollin e investimeve në fushën e mbrojtjes, por edhe implementimin dhe kapacitetet vlerësuese për të shmangur penetrimin e shteteve keqdashëse si Kina dhe Rusia. Tashmë është fakt i njohur se Kina ka rritur prezencën e saj ekonomike edhe në Shqipëri, gjë e cila mund të cenojë rëndë sigurinë kombëtare, por edhe sigurinë e partnerëve”, deklaron Mediu./ CNA





Lajmet e fundit nga