web counter
LEXO PA REKLAMA!

SHKARKO APP

App Store
Google Play

Ekskluzive/ Mariglen Qato ngriti në detyrë burrin e drejtoreshës që i dha tenderin kompanisë “5D”

9 Prill 2024, 10:22, Aktualitet CNA
Ekskluzive/ Mariglen Qato ngriti në detyrë burrin e drejtoreshës
Mariglen Qato

Skandali me dosjen “5D” vazhdon dhe thellohet. Erion Veliaj, në vend të një reagimi të vërtetë dhe të fortë kundër hajdutërive në bashki, si gjithmonë zgjodhi që të mohonte dhe të mbronte drejtorët e tij hajdutë.

CNA sjell të tjera materiale ekskluzive, të cilat tregojnë se drejtorët Tusha, Qato, Molla, Kacidhja, Kapllani  etj. menaxhonin gjithë piramidën e bashkisë, jo vetëm tenderët, por edhe emërimet, duke punësuar familjarët e tyre në Bashkinë e Tiranës. Nëpërmjet tyre siguronin më pas edhe tenderët për kompanitë e tyre.

Sipas të dhënave të siguruara nga CNA, bashkëshorti i shtetases Eglantina Zere, e cila është nën masë sigurie nga GJKKO,  ka qenë inspektor i  thjeshtë në IMT, shtetasi V. M.

Pas vitit 2018, kohë kur drejtimin e IMT-së e merr Mariglen Qato, ai rritet në detyrë.

Nga inspektor i IMT i njësisë Kashar, me vajtjen e Mariglen Qatos, bashkëshorti i drejtoreshës Eglantina Zere bëhet shef i Zonës 2, në Tiranë.

Bashkia e Tiranës  ndahet në 4 zona të mëdha ku përfshihen njësitë administrative, në njërën prej tyre emërohet shtetasi V.M. (Soni).

Të gjithë inspektorët e këtyre zonave raportojnë te shefi i zonës e ky më pas raporton te drejtori i IMT-së, që ishte Mariglen Qato.

Këtë fakt nuk e thekson as SPAK-u, as gjykata, ky është një detaj i ri që tregon se korrupsioni funksiononte edhe nëpërmjet lidhjeve dhe shpërblimeve nepotike.

Unë të ngre burrin në detyrë, ti më jep tenderin. Ky është një fakt tashmë në dosjen “5D” midis Mariglen Qatos dhe Eglantina Zeres./ CNA





Lajmet e fundit nga