web counter
LEXO PA REKLAMA!

SHKARKO APP

App Store
Google Play

Kandidati i Veliajt për ministër urdhëron drejtorët

9 Prill 2024, 09:22, Aktualitet CNA
Kandidati i Veliajt për ministër urdhëron drejtorët
Alfred Balla

Bashkisë së Tiranës po i del flaka nga korrupsioni dhe vjedhjet miliona euroshe që kanë kryer drejtorët e kryebashkiakut Erion Veliaj nën hundën e tij.

3 drejtorë në pranga, Mariglen Qato, Redi Molla dhe Taulant Tusha, të tre emra që kanë shtrirë tentakulat e tyre jo vetëm në bashki, por zullumet shkojnë përtej, deri tek afera e shekullit, ajo e inceneratorëve.

Një skemë që ka krye, por duket se po i del edhe fundi, një megavjedhje, e cila ka shkaktuar zemërim te qytetarët, si dhe ka tundur mirë themelet e bashkisë dhe shtetit.

Kryeministri i vendit, Edi Rama, reagoi në lidhje me këtë skandal, duke dhënë një mesazh shumë të qartë mes rreshtave për ata që dinë ta lexojnë, edhe pse u kërcënua nga kryebashkiaku Erion Veliaj.

SPAK-u duhet të vazhdojë përpara dhe të hetojë e t’i shkojë deri në fund çështjes, ishte ky mesazhi që Rama përçoi përmes një reagimi të gjatë në rrjetet sociale.

Reagimet janë pasuar nga krerë të tjerë të lartë institucionesh.

I radhës na vjen nga kreu i KLP-së, Alfred Balla.

Alfred Balla, ushtari politik i propozuar nga kryebashkiaku Veliaj dhe i lobuar nga Irfan Hysenbelliu te Rama për ministër Drejtësie, ka urdhëruar drejtorët dhe nëpunësit të mos zbatojnë dhe pranojnë urdhrat nga shefat e tyre.

Sipas tij, ata do hyjnë në burg, pasi shefat e tyre nuk i gjen gjë.

Alfred Balla është emri që u propozua në momentin ku mazhoranca dhe grupi i 99-çave po përgatisnin skemën për të goditur SPAK-un, për ta kontrolluar atë, pasi shumica e drejtorëve dhe zyrtarëve të bashkisë dhe shtetit po përfundonin pas hekurave.

Si përfundim, Inspektori i qeverisë, me kamionë, apartamente e shtëpi në SHBA, me pasuri të shtuara, sot del dhe urdhëron drejtorët të mos bëjnë atë që u kërkon shefi i tyre pasi do të jenë ata që do ta pësojnë, duke shkuar në pranga./ CNA





Lajmet e fundit nga