web counter
LEXO PA REKLAMA!

SHKARKO APP

App Store
Google Play

Zbardhen email-et/ Ekonomistja e kompanisë "5D" informonte Qaton për të dhënat financiare

2 Prill 2024, 10:30, Aktualitet CNA
Zbardhen email-et/ Ekonomistja e kompanisë "5D" informonte Qaton
Mariglen Qato

Mariglen Qato dhe Redi Molla janë dy nga drejtorët e kreut të Bashkisë së Tiranës, Erion Veliaj, që nga hetimet e SPAK-ut janë kokat e aferave që janë kryer me kompaninë "5D", ku kanë përfituar me dhjetëra tenderë në shkelje të ligjit. 

SPAK-u, ashtu siç duket qartë edhe në dosjen hetimore, ka siguruar prova, dokumente, biseda, të cilat tregojnë qartazi se drejtorët e Veliajt kanë shkelur me të dyja këmbët ligjin. 

Hetuesit e SPAK-ut kanë sekuestruar telefonin celular të Jonida Hoxhajt, e cila është ekonomiste në kompaninë "5D". Nga kontrolli i telefonit janë gjetur komunikime të saj me Mariglen Qaton. 

Sipas SPAK-ut, më 15 tetor të 2020, Jonida Hoxhaj nëpërmjet adresës "[email protected]" i ka dërguar Mariglen Qatos në adresën "[email protected]" email-in me subjekt "Raporte Financiare Qershor-Shtator 2020".

"Përshendetje! Bashkëngjitur do të gjeni Raporte Financiare për muajin qershor, korrik, gusht, shtator 2020.  Brendu edo file-i exel ka raporte lidhur me: 20 1-Permbledhese të ardhura shpenzime per vitet 2018-2020 detajuar sipas projekteve. 2. Permbledhese e detajuar te ardhura shpenzime sipas projekteve per periudhen 1 Janar 2020-muajin perkates. 3. Permbledhje e detajuar te ardhura shpenzime sipas projekteve per muajin perkates 4. Situacion Klient Furnilor. 5. Ditar Arka-Banka", thuhet në dosjen hetimore për përmbajtjen e email-it.  

Pra ekonomistja e firmës informonte Qaton mbi të dhënat financiare të kompanisë. 

Po kështu, SPAK-u ka siguruar edhe një tjetër e-mail të datës 22 shkurt të 2018 që Jonida Hoxhaj i ka dërguar shtetasit Mariglen Qato, me subjekt "Jonida Hoxhaj CV". 

Nga të dhënat zyrtare rezulton se Jonida Hoxhaj është regjistruar si punonjëse në shoqërinë "5D Konstruksion" sh.p.k. në datën 9 qershor të 2020. 

Po kështu, prokurorët e SPAK-ut kanë siguruar edhe komunikime telefonike midis Jonida Hoxhajt, Mariglen Qatos dhe Redi Mollës./CNA 

 





Lajmet e fundit nga