E fundit!

09:34 Aktualitet

Apel për kujdes nga temperaturat e larta/ Rrezik për të moshuarit dhe fëmijët

Temperaturat e larta që po përfshijnë vendin po rrisin rre...

Kush është drejtoresha e "përkëdhelur" e bashkisë që i shpëtoi burgut

1 Prill 2024, 19:07, Aktualitet CNA

Kush është drejtoresha e "përkëdhelur" e

Prej ditësh, CNA ka zbardhur detaje nga dosja hetimore për kompaninë “5D”, nga e cila kanë dalë fakte se si abuzonin me tenderat dhe se si shpalleshin fituesit e tyre.

Në mesin e drejtorëve që kanë marrë pjesë në abuzimet me tenderat dhe janë përfshirë në skemën korruptive, është edhe Englantina Zere.

Po kush është Eglantina Zere?

Zere është një nga drejtoreshat e përkëdhelura të bashkisë e cila ka drejtuar Tirana Parking dhe më pas është zhvendosur në drejtorinë e gjelbërimit.

SPAK e akuzon Zeren se ka favorizuar në një procedurë prokurimi operatorin ekonomik “V.A.S Konstruksion sh.p.k” duke i krijuar avantazhe dhe privilegje të padrejta, si dhe duke e shpallur fitues në mënyrë të parregullt.

“Janë mbledhur provat e nevojshme që provojnë faktin se shtetasja Eglantina Zere në cilësinë e titullarit të autoritetit kontraktor “Tirana Parking”, ka favorizuar në një procedurë prokurimi operatorin ekonomik “V.A.S Konstruksion sh.p.k”, e njëjtë me “5D Konstruksion” sh.p.k, duke i krijuar avantazhe dhe privilegje të padrejta, si dhe duke e shpallur fitues në mënyrë të parregullt. Shtetasja Eglantina Zere ka pasur komunikime direkte me shtetasin Nestor Muhametllari, administrator i shoqërisë “5D Konstruksion” sh.p.k dhe vlerësimin e ofertave të pjesëmarrësve në tender e kanë bërë vetë punonjës të shoqërisë “5D Konstruksion” sh.p.k.”, njoftoi dje SPAK për Zeren”.

Laspi mëson se, sipas veprës që kryer ajo duhet të kishte pasur të njëjtin fat si homologët e saj drejtorë, por ajo nuk përfundoi në pranga si pasojë e disa kushteve lehtësuese.

E para se ishte femër, e dyta se shuma e tenderit që ajo kishte manipuluar nuk ishte e madhe dhe së treti se ishte e martuar dhe kishte në përgjegjësi një fëmijë të vogël, vendosi gjykata.

Për këto arsye vendimi për të, nga një tjetër gjyqtare femër, Rudina Palloj, ishte vetëm pezullim nga detyra dhe detyrim paraqitje./ CNA