E fundit!

22:46 Aktualitet

Pas ndeshjes, protestuesit zhvendosen te selia e PD-së: Opozitë e shitur

Pas ndeshjes, protestuesit janë zhvendosur para selisë së ...

Loja e "Top Channel" me largimin e Egla Cenos

1 Prill 2024, 14:18, Aktualitet CNA

Egla Ceno

Të dielën, në shtëpinë e "Big Brother" mbërriti një zarf i zi, ku u njoftua për banorët se konkurrentja Egla Ceno, e cila jo pak herë ka ngallur polemika, është skualifikuar nga gara.

Ky vendim, sipas "Big Brother", ishte marrë pas situatave, debateve dhe ofendimeve mes Meritonit dhe Eglës. Kjo e fundit pas "show"-t të së shtunës, i hodhi verë në kokë Meritonit, duke i shfaqur probleme në sy dhe kjo ishte një nga arsyet e skualifikimit nga gara.

Vendimi për largimin e Eglës nga shtëpia, solli edhe debate të tjera në shtëpi, ku disa nga banorët akuzuan Meritonin dhe Ilnisën se e çuan në limite Eglën, duke bërë që kjo të përjashtohet nga shtëpia.

Por çfarë ka ndodhur në të vërtetë?

Gjithçka ka qenë një lojë. Egla Ceno nuk është larguar nga shtëpia e "Big Brother", por ajo ndodhet në një dhomë tjetër të kësaj banese. Vetë produksioni sot, më 1 prill, në atë që quhet dita e gënjeshtrave, ka vendosur të tregojë me pamje se konkurrentja nuk është përjashtuar.

Në videon e publikuar ajo shfaqet e izoluar në një dhomë dhe jep mesazhin për nënën e saj: "Mami jam ok". Asnjë nga konkurrentët e tjerë nuk është në dijeni të kësaj loje të produksionit. Mesa duket gjithçka do të sqarohet në "show"-n e së martës.

Kjo lëvizje e "Top Channel" mund të jetë bërë për të rritur audiencën e kësaj formati, pasi jo pak herë është raportuar se është në nivele shumë të ulëta me një vit më parë.

Por, një skemë tjetër është edhe tentativa për të hequr vëmendjen e publikut nga arrestimet e drejtorëve të Bashkisë Tiranë dhe për ta foksuar atë te "Big Brother" dhe surprizat në këtë "reality-show".

Pra, skualifikuan Eglën që të harrohej se çfarë po ndodhte me hetimet e SPAK-ut dhe arrestimet e Erion Veliajt.

Por mesa duket pasi nuk hoqën dot vëmendjen e publikut nga skandalet e Veliajt, edhe pse skualifikuan Eglën, e ripërdorën sërish Eglën. Pasi e skualifikuan, tani po e rikthejnë. Të shohin këtë herë nëse do heqin vëmendjen, nga aferat e mëdha korruptive të ndodhura në Bashkinë Tiranë.

Theksojmë se formati origjinal nuk i lejon të behen këto lojëra, aq më tepër me një nga konkurrentët që mund të pretendojë çmimin final./ CNA