LEXO PA REKLAMA!

SHKARKO APP

Balla, i prerë: Pres më shumë rezultate, të shkohet te “kokat” e grupeve kriminale

31 Gusht 2023, 11:25, Aktualitet CNA

Balla, i prerë: Pres më shumë rezultate, të shkohet te

Ministri i Brendshëm, Taulant Balla, ka deklaruar se Policia e Shtetit po godet rrjetet e shpërndarësve të lëndëve narkotike duke shënuar rezultate konkrete.

Përmes një postimi në rrjetet sociale, Balla është shprehur se pret rrezultate konstante në goditjen ndaj krimit duke “shkuar te 'kokat' e këtyre grupeve kriminale sa më shpejt.”

Ndër të tjera, ministri ka theksuar se Policia e Shtetit të marrë më shumë përgjegjësi dhe duhet të vendosë shkatërrimin e rrjeteve të shpërndarësve të lëndëve narkotike në një prioritet kryesor.

“Policia e Shtetit po godet rrjetet e shpërndarësve të lëndëve narkotike duke shënuar rezultate konkrete, siç janë aksionet e fundit në Tiranë dhe Sarandë. Ndërsa pres më shumë rezultate në ditët e ardhshme, ripërsëris domosdoshmërinë që të shkohet te 'kokat' e këtyre grupeve kriminale sa më shpejt. Publiku dhe çdo familje shqiptare presin që Policia e Shtetit të marrë më shumë përgjegjësi ndaj çdo të riu e të reje, madje dhe adoleshentë, të cilët nuk i dinë sot sa duhet rreziqet e mëdha për shëndetin dhe familjet e tyre, ndërsa bien në grackën e narkotikëve. Prandaj Policia e Shtetit duhet ta vendosë shkatërrimin e rrjeteve të shpërndarësve të lëndëve narkotike në një prioritet kryesor.”-shkruan Balla./CNA

Lajmet e fundit nga