web counter
LEXO PA REKLAMA!

SHKARKO APP

App Store
Google Play

E fundit!

x

Shpella e Shënandoit dhe Banjat e Bënjës morën 50% të vizitorëve

31 Gusht 2023, 10:12, Aktualitet CNA

Shpella e Shënandoit dhe Banjat e Bënjës morën 50% të

Nga 26 monumente natyrore për të cilat janë mbajtur statistika të vizitorëve, të paktën 50 për qind të totalit i kanë marrë dy prej tyre.

Ministria e Turizmit dhe Mjedisit raportoi se Shpella e Shënandoit në Kurbin arriti të tërhiqte në pjesën e parë të vitit të paktën 27 për qind të vizitorëve, ndërsa të dytat janë Banjat e Bënjës në Përmet me 23 për qind të vizitorëve. E treta në listë vjen Rana e Hedhun në Shëngjin.

“Në kategorinë Monumentet e Natyrës, janë të shpallura 26 zona dhe vetëm në 25 prej tyre janë vizituar prej 44,790 vizitorësh. Nga këta 65% janë vizitorë vendas dhe 35% vizitorë të huaj. Vizitorët me numrin më të madh janë në Shpellën e Shënandoit (27%), Ujërat Termale të Bënjës (23%), e cila ndiqet nga Rëra e Hedhur (11%)”, thuhet në publikimin e statistikave.

Ndërkohë kategoria e Parqeve Kombëtare që ka 12 zona është vizituar nga 179,624 vizitorë, prej tyre 61% janë vizitorë vendas dhe 39% vizitorë të huaj.

“Numri më i madh i vizitorëve për këtë kategori është në Parkun Kombëtar të Divjakës-Karavasta (31%), Alpet e Shqipërisë nga pjesa e Shkodrës (19%) dhe e treta për nga vizitueshmëria këtë muajit është Parku Kombëtar i Butrintit me (9% )”, thuhet në dokument.

Sipas ministrisë, një tjetër element i marrë në analizë janë rezervatet natyrore. Kështu, sipas të dhënave në kategorinë Rezervatet Natyrore të Menaxhuara dhe Parqet Natyrore Monumentet e Natyrës janë të përfshira 24 zona. Numri i vizitorëve për këtë kategori është 77,411, nga këta, 61,5% janë vizitorë shqiptarë. Numrin më të madh të vizitorëve e ka Liqeni i Shkodrës (29%), i ndjekur nga Syri i Kaltër (17%).

Sa u takon peizazheve të mbrojtura përfshihen 7 zona.

“Numri i vizitorëve që kanë vizituar këto 7 zona është 107,911, nga ku 61.1% e vizitorëve janë shqiptarë. Vizitorët me numrin më të madh janë në Peizazhin e Mbrojtur të Lumin Buna (56%), të ndjekur nga vizitorët në Liqenit të Pogradecit (20%)”, thuhet ne statistikat e fundit të qershorit të publikuara nga Ministria e Turizmit dhe Mjedisit.

Pavarësisht ecurisë së mirë të turizmit këtë vit ajo që vihet re është një rënia e shifrave në turizmin natyror në raport me një vit më parë. Nga janari në qershor vizitorët e turizmit të natyrës ishin mbi 1.14 milionë me një rënie 20 për qind në raport me të njëjtën periudhë të vitit paraardhës./Revista Monitor





Lajmet e fundit nga