web counter
LEXO PA REKLAMA!

SHKARKO APP

App Store
Google Play

E fundit!

x

“Statistikat e përgënjeshtrojnë”/ Berisha: Mashtrimi shumëmilionësh i Edi Ramës

31 Gusht 2023, 11:16, Aktualitet CNA
“Statistikat e përgënjeshtrojnë”/ Berisha: Mashtrimi
Sali Berisha, ish-kryeministër

Ish-kryeministri Sali Berisha ka komentuar statistikat në lidhje me turistët që kanë vizituar Shqipërinë gjatë këtij sezoni duke e cilësuar si mashtrimin shumëmilionësh të kryeministrit Edi Rama.

Berisha thekson se në 10 vitet e qeverisjes së Ramës turizmi ka ecur me ritme shumë të ngadalta ndryshe nga viti 2005 që u rrit me 300 mijë turistë dhe në vitin 2013 me 5 milionë turistë.

“Mashtrimi shumëmilionësh i Edi Ramës.

Të dashur miq, rrugët si “Rruga e Kombit, Shkodër Han i Hotit, Levan - Gjirokastër, Levan Vlorë, Thuman- Milot Tiranë Elbasan, Rruga e Bregut, Shkodër Velipojë Hani i Hotit Tamar, Bajram Curri - Valbonë dhe 500 km rrugë që lidhin akset kombëtare me zonat turistike nga Shkodra në Ksamil bënë që numri i turistëve dhe vizitorëve në Shqipëri të rritet nga 300 mijë që ishin në vitin 2005 në mbi 5 milion në vitin 2013 dhe kjo rritje vazhdoi gjatë këtyre 10 viteve natyrisht me ritme shumë më të ngadalta.

Edi Rama me propagandën e tij banale shpall si turist të gjitha ata që hyjnë në pikat kufitare në Shqipëri pavarësisht se miliona prej tyre janë kalimtarë që hyjnë dhe dalin Shqipëria brenda disa orëve për në Kosovë, Maqedoninë e Veriut apo destinacione tjera ose vijnë nga vendet fqinje për vizita disa orëshe dhe kthehen në vendin ku bëjnë pushime. Statistika zyrtare përgënjeshtron keq Edi Ramën. Për të dhëna më të hollësishme ju sugjeroj të lexoni statusin e z. Petrit Vasili.

Petrit Vasili

Po të besosh Ramën i bie që turistët në Shqipëri flenë nëpër pemë, ndërsa në Mal të Zi në hotele Industria turistike, aq e nevojshme për vendin tone, nuk zhvillohet as me mashtrime dhe as me propagande e demagogji, por me analiza të sakta profesionale.Edi Rama pa pasur turp hedh shifra njëra me e gënjeshtërt se tjetra, vetëm në funksion të propagandës.Përpara tre ditësh Rama tha:"Një vit më parë numëruam 7 milionë turistë, dita kur do të arrijmë kufirin e 10 milionë turistëve është më afërt se ç’kemi menduar".

F A K T E T !! Por në vitin 2022 u raportuan nga qeveria 7.5 milionë turistë dhe qindra mijëra shqiptarë.Ndërsa janë realizuar gjithsej 3.8 milionë netë fjetje nëpër hotele në vitin 2022 sipas raportimit të statistikave zyrtare. Le të marrim Malin e Zi, që ka trefishin e hoteleve të Shqipërisë. Në vitin 2022 Mali i Zi pati 2.183.975 turistë dhe pati netë fjetje 12.428.787 netë fjetje. Pra mesatarja e një turisti në Malin e Zi është afërsisht 6 nete fjetje.G Ë N J E S H T R A !!

Në Shqipëri turisti nuk fle as gjysëm nate. Kurse në Malin e Zi turisti fle mesatarisht gjashtë net sipas OBT, që të quhet turist duhet te fleje minimumi një natë.PË R F U N D I M I!! Ku flene këta turistët e Edi Ramës nëpër peme, në trotuar, nëpër rrugë apo ku.... P.S. Ne foto statistikat zyrtare të Malit të Zi.”, shkruan Berisha në rrjetet sociale./ CNA





Lajmet e fundit nga