E fundit!

21:41 Aktualitet

VIDEO-Me flamuj kuqezi/ Protestuesit marshojnë në rrugët e Tiranës

Edhe në ditën e 27-të të protestës kundër qeverisë, qyteta...

A do të shkojnë institucionet të raportojnë si delet te Xhafaj?/ Rregullorja nuk i detyron

26 Qershor 2026, 16:34, Aktualitet CNA

Me gjithë presionin ndaj mazhorancës, Fatmir Xhafaj duket që ndryshe nga sa pretendohet, nuk e paska siguruar të drejtën per të rreshtuar për raportim institucionet e pavarura, përfshirë ato të drejtësisë.

Sipas nenit 19 të rregullores, komisioni me emër të gjatë, por që të gjithë i njohin mbiemrin "Xhafaj", nuk e ka funksion dëgjimin e raportimeve të krerëve të institucioneve të pavarura përfshirë ato të drejtësisë.

Në rregulloren e kuvendit sa herë flitet për "Komision", duhet ti referohesh fushës së përgjegjësisë të Komisionit. Dhe Komisioni "Xhafaj" ndjek zbatimin e rezolutave, por nuk është Komisioni përgjegjës ku bëhet raportimi vjetor. Edhe debati brenda maxhorancës nën dritën e teksteve të miratuara, duket më shumë si ushqim për t'i rritur rëndësinë Fatmir Xhafajt, e jo si debat mbi paragrafet e miratuara.

Komisioni "Xhafaj" kapet sërish duke shkelur ligjin
2 Shkurt, 12:41

Neni 19 që flet për Komisionet e përhershme parlamentare, kur ndalet tek komisioni me emrin më të gjatë prej krejtve, e përshkruan kështu fushën e përgjegjësisë të Komisionit Xhafaj:

Komisioni për Nismat Qytetare, Bashkëpunimin dhe Mbikëqyrjen Institucionale, ka si fushë përgjegjësie:

1- Monitorimin dhe mbikëqyrjen e zbatimit të rezolutave, strategjive, vendimeve dhe planeve të veprimit të Kuvendit;

2- Shqyrtimin dhe ndjekjen e nismave të qytetarëve dhe peticioneve;
3- Realizimin dhe koordinimin,
4- Mbikëqyrjen dhe kontrollin e zbatimit të ligjeve nga ekzekutivi, institucionet dhe agjencitë e pavarura prej tij, përmes koordinimit të procesit parlamentar për kontrollin postlegjislativ;
5- koordinimin e dialogut dhe bashkëpunimit ndërinstitucional.

Sipas këtij përshkrimi, asnjë institucion nuk ka detyrimin të veshi kollare dhe të shkojë të bëhet ushqim i delireve të Fatmir Xhafajt.