web counter
LEXO PA REKLAMA!

SHKARKO APP

App Store
Google Play

Protestat/ Eksperti për CNA: Mund të jenë dhimbje koke për qeverinë, por jo për turistët

26 Qershor 2026, 14:04, Aktualitet CNA

Megjithëse ditët e fundit është diskutuar për ndikimin që protestat mund të kenë në sektorin e turizmit dhe raportime për anulime rezervimesh, ekspertët e fushës japin një panoramë tjetër. Eksperti i turizmit, Denis Dema, për CNA TV tha se deri më tani nuk evidentohet një valë anulimesh që lidhet me situatën e protestave në vend.

Madje, sipas tij, disa agjenci turistike po i përfshijnë protestat si pjesë të eksperiencës për vizitorët e huaj, duke i parë si një formë kurioziteti apo atraksioni urban.

"Protestat nuk kanë ndikuar te pjesa e rezervimeve. Në çdo vend të botës ka protesta, në Romë, Madrid, kudo që mund të shkosh, por kjo nuk do të thotë që turistët nuk shkojnë. Në Shqipëri ditët e para turistët mund të kenë qenë edhe të shqetësuar nga lajmet nga mediat e huaja, pasi kanë hedhur pamje edhe nga protesta të tjera, por nuk ka pasur ndikim. Madje ka agjenci të cilat promovojnë turizmin e protestës, dhe është bërë mjaft e këndshme edhe për turistët e huaj", tha eksperti. 

Eksperti thekson se Shqipëria vijon të konsiderohet një vend i sigurt për pushime dhe se protestat janë të fokusuara ndaj institucioneve qeveritare, pa krijuar shqetësim për turistët.

Ai nënvizon gjithashtu se zonat turistike të jugut, ku përqëndrohet një pjesë e madhe e sezonit veror, nuk janë prekur nga protesta dhe aktiviteti turistik po vijon normalisht.

"Realiteti është krejt ndryshe. Protestat mund të jenë dhimbje koke për qeverinë, por jo për turistët, pasi ata nuk pushojnë te kryeministria, por në jug të vendit dhe nëse hap lajmet sheh që aty nuk ka protesta. Rezevimet vazhdojnë dhe të huajt do të vazhdojnë të vijnë se shohin që nuk ka asnjë lloj problematike./ CNA

Në kulmin e sezonit veror, operatorët e turizmit mbeten optimistë se fluksi i vizitorëve nuk do të ndikohet dhe se Shqipëria do të vijojë të mbetet një nga destinacionet më të frekuentuara në rajon", deklaroi eksperti./ CNA





Lajmet e fundit nga