web counter
LEXO PA REKLAMA!

SHKARKO APP

App Store
Google Play

E fundit!

x

Një palestër e re për Shtëpinë e Fëmijës “Zyber Hallulli” nga Fondacioni Domi

25 Qershor 2026, 22:58, Aktualitet CNA

Një palestër e re për Shtëpinë e Fëmijës
Fondacioni Domi rikonstrukton dhe pajis hapësirën sportive të Shtëpisë së Fëmijës “Zyber
Hallulli” në Tiranë

Fondacioni Domi ka përfunduar rikonstruksionin dhe pajisjen me mjete sportive moderne të
palestrës së Shtëpisë së Fëmijës “Zyber Hallulli” në Tiranë, duke e kthyer një hapësirë dikur jo
funksionale në një mjedis modern, social dhe argëtues për 40 fëmijët e kësaj qendre.

Një palestër e re për Shtëpinë e Fëmijës

Mjediset sportive janë pajisur me mjete bashkëkohore sportive dhe argëtuese, si dhe me kushte të përshtatshme për ftohje dhe ngrohje, duke krijuar një ambient të sigurt dhe funksional ku
fëmijët mund të bëjnë sport, të luajnë dhe të kalojnë kohë cilësore së bashku.

Një palestër e re për Shtëpinë e Fëmijës

Presidenti i Fondacionit Domi, z. Dervish Domi, njëherazi President i Atlas Corporation, u shpreh
se ky kontribut ka një domethënie të veçantë personale për të.

“Jemi shumë të lumtur që kemi
mundësi të ndihmojmë vogëlushët e Shtëpisë së Fëmijës ‘Zyber Hallulli’.Unë jam rritur vetë jetim, pa babain. Nëna na rriti e vetme, me shumë vështirësi, gjashtë fëmijë. Ndaj gëzohem
shumë që sot mund të ndihmoj sadopak. Nuk do t’i lëmë vetëm këta fëmijë,” tha z. Domi.

Drejtoresha e Shtëpisë së Fëmijës “Zyber Hallulli”, znj. Valbona Imeraj, falënderoi Fondacionin
Domi për mbështetjen e dhënë.

“Falënderojmë nga zemra Fondacionin Domi dhe veçanërisht
Presidentin Dervish Domi. Për ne kjo është një ndihmë shumë e madhe,” theksoi znj. Imeraj.
Zv. Presidenti i Atlas Corporation, z. Aurel Domi, u shpreh se ky është një ndër aktivitetet
sociale të Fondacionit Domi dhe se nisma të tilla do të vijojnë edhe në të ardhmen.

“Ky është një ndër aktivitetet sociale të Fondacionit Domi dhe këto punë të mira do të vijojnë. Ne e kemi kënaqësi t’i mirëpresim një ditë fëmijët në fabrikën e Atlas dhe Ola në Kashar. Duam që ata të vijnë, të argëtohen dhe të mësojnë,” tha z. Aurel Domi.

Fondacioni Domi është pjesë e Korporatës Atlas, e cila përbëhet nga disa kompani, ndër të cilat
Atlas Mills, Ola Foods, Besniku sh.p.k., Atlas Energy, Edil Centro etj.

Një palestër e re për Shtëpinë e Fëmijës

Kompanitë e këtij grupi kontribuojnë së bashku në kuadër të përgjegjësisë sociale, me qëllim mbështetjen e shtresave vulnerabël dhe komuniteteve në nevojë në shoqërinë shqiptare. Kontributi që më parë bëhej në mënyrë direkte nga kompanitë tashmë kanalizohet përmes Fondacionit Domi. Përmes këtij investimi, Fondacioni Domi synon të krijojë më shumë mundësi për zhvillimin fizik, social dhe emocional të fëmijëve, duke u ofruar atyre një hapësirë më të mirë për lojë, sport dhe ndërveprim.





Lajmet e fundit nga