web counter
LEXO PA REKLAMA!

SHKARKO APP

App Store
Google Play

“Krim dhe korrupsion, qeveria në dijeni”/ Tomorri: E njëjta logjikë edhe për inceneratorët

25 Qershor 2026, 20:30, Aktualitet CNA

“Krim dhe korrupsion, qeveria në dijeni”/ Tomorri: E

Gazetari Klodian Tomorri tha sot se debati i vërtetë në situatën aktuale të vendit lidhet me çështje që shqetësojnë qytetarët, si korrupsioni dhe krimi i organizuar.

Duke folur në “Syri TV”, Tomori u shpreh se shteti ka mekanizma të shumtë kontrolli dhe është e vështirë që të besohet se fenomene të tilla ndodhin pa dijeninë e qeverisë.

Sipas gazetarit, e njëjta logjikë u përdor edhe në rastin e inceneratorëve.

“Debati i vërtetë është ai që i ka nxjerrë njerëzit në rrugë. Debati i vërtetë lidhet me korrupsionin masiv, me pastrimin e parave në shkallë industriale dhe me lidhjet mes shtetit dhe krimit të organizuar. Kush i firmos lejet e kullave? Kush i firmos lejet e resorteve? Kush vendos për zhvillimin urban dhe për projektet e mëdha? Janë pyetje që kërkojnë përgjigje. Shteti ka mekanizma të shumtë kontrolli. Për këtë arsye është e vështirë të besohet se fenomene të tilla mund të ndodhin pa dijeninë e qeverisë. Është e njëjta logjikë që u përdor edhe në rastin e inceneratorëve, ku në fund u pretendua se përgjegjësit politikë nuk dinin asgjë. Por kur ekzistojnë kaq shumë instrumente kontrolli dhe mbikëqyrjeje, pretendimi i padijes bëhet i vështirë për t’u pranuar”,-tha Tomorri./CNA

 





Lajmet e fundit nga