web counter
LEXO PA REKLAMA!

SHKARKO APP

App Store
Google Play

E fundit!

x

Vokshi në Asamblenë e Këshillit të Europës: Protestat në Shqipëri, lëvizje kundër kapjes së shtetit

26 Qershor 2026, 14:45, Aktualitet CNA

Deputetja e Partisë Demokratike, Albana Vokshi, ka ngritur zërin në Asamblenë Parlamentare të Këshillit të Europës për situatën politike dhe sociale në Shqipëri.

Në fjalën e saj, Vokshi e cilësoi lëvizjen qytetare që ka përfshirë vendin si një reagim ndaj autoritarizmit dhe aleancës mes qeverisë, oligarkisë dhe krimit të organizuar.

Sipas Vokshit, ajo që nisi si një protestë për mbrojtjen e hapësirave publike, është shndërruar në një kërkesë të gjerë për dinjitet, sundim të ligjit dhe zgjedhje të lira, duke kritikuar qeverinë për intimidim dhe fushatat denigruese ndaj aktivistëve.

Në fjalën e saj, Vokshi u shpreh:

"Ata nuk kërkojnë privilegje. Ata kërkojnë një të ardhme në vendin e tyre. Shumë prej tyre besojnë se e vetmja mundësi për të ndërtuar jetën e tyre është emigrimi, sepse nuk shohin më një sistem të meritës. Protestuesit kërkojnë dorëheqjen e Kryeministrit dhe krijimin e një qeverie teknike, të aftë për të organizuar zgjedhje të lira dhe të ndershme."

Deputetja demokratë nënvizoi se pastrimi i parave në industrinë e ndërtimit në Shqipëri nuk është më vetëm një problem lokal, por një fenomen që ndikon ekonomitë në mbarë Europën. Vokshi i kërkoi Asamblesë Parlamentare të Këshillit të Europës që të mbështesë kërkesat e qytetarëve shqiptarë për llogaridhënie dhe t'i dënojë veprimet represive ndaj protestuesve paqësorë./ CNA





Lajmet e fundit nga