E fundit!

21:26 Politikë

Balla reagon ndaj Athinës: Narta është tokë shqiptare, autoktone

Kryetari i Grupit Parlamentar të Partisë Socialiste dhe Dr...

Nga mishi sintetik tek insektet/ Cilat do jenë ushqimet e së ardhmes

1 Maj 2022, 08:22, Blog CNA

Pas ndoshta 30 vjetësh, do të vendosim në tryezë një pjatë të bazuar tek bulkthi dhe karkalecat, ose një ushqim të ?gatuar? në laborator apo të prodhuar nga një printer 3D. Insektet dhe ushqimet sintetike, duket se janë dy nga më të mirat.

Ato shihen si përgjigja e mundshme ndaj nevojës për të ushqyer më shumë se 10 miliardë njerëz, sa vlerësohet se do të jemi në vitin 2050. Rritja e rendimenteve të prodhimit në bujqësi dhe blegtori, për të sjellë në tryezat tona produktet me të cilat jemi mësuar, do të jetë më e vështirë gjatë viteve të ardhshme.

Kjo pasi do të kishte një ndikim shkatërrues tek ekosistemet. Prandaj prej disa vitesh milingonat, vemjet dhe insekte të ngjashme janë studiuar dhe vërtetuar si burime të shkëlqyera të proteinave me kosto të ulët.

Madje për disa specie, si krimbi i miellit, karkalecat shtegtarë, dhe bulkthat që enden zakonisht nëpër shtëpitë tona,është dhënë tashmë drita jeshile për përdorim njerëzor nga Autoriteti Evropian i Sigurisë Ushqimore (EFSA).

Ata që i kanë shijuar betohen se janë të shijshëm. Por sigurisht që nuk do të jetë aspak e lehtë të mësoheni me to, sepse të ngrënit është edhe një çështje kulturore, dhe tek ne insektet ngjallin neveri. Por sigurisht që ato do të përdoren gjithnjë e më shumë në ushqimin për kafshët, dhe herët a vonë do të hyjnë në ushqimin e përpunuar që konsumojnë njerëzit.

Për shembull në formën e miellit thotë Andrea Gizeli, president i Shoqatës Italiane të Shkencave Ushqimore.

Megjithatë, futja e tyre në dietën ushqimore nuk do të jetë aq e thjeshtë. Pasi përveç neverisë që shkaktojnë tek njeriu, Ermolaos Ververis, ekspert i EFSA që koordinoi studimin e parë mbi insektet si ushqimet e reja të njeriut, shumë alergji ushqimore lidhen me proteinat.

Prandaj fillimisht duhet kuptuar nëse insektet mund t?i shkaktojnë këto alergji, apo të japin reaksione me alergjenë të tjerë. Për më tepër, këto specie janë ende organizma komplekse, që u konsumohen të gjitha pjesët e trupit. Ndaj nuk është e lehtë të gjendet përbërja e produkteve ushqimore që bart secila pjesë.

Për këto arsye do të duhet më shumë kohë, por rruga drejt saj duket se është përcaktuar tashmë. Diçka e ngjashme mund të ndodhë edhe për ushqimet sintetike, nga mishi i prodhuar në epruvetat përmes qelizave staminale, deri tek printerët 3D, për të prodhuar ushqime të përshtatura sipas nevojave tuaja ushqyese.

Ushqimet e rritura në laborator, janë relativisht të thjeshtë për t?u prodhuar. Mjafton që të riprodhohen qelizat burimore, duke u siguruar atyre lëndët ushqyese të nevojshme në kushte të kontrolluara (të cilat eliminojnë gjithashtu edhe nevojën për të përdorur antibiotikë për të shmangur kontaminimin, por edhe për të eliminuar në mënyrë efektive shpërdorimet).

Sot një burger me mish të kultivuar në laborator, kushton ende rreth 150-200 dollarë dhe shija e tij mund të përmirësohet (po punohet mbi qelizat staminale që mund të japin adipocitet, apo qeliza yndyrore, për t?i dhënë burgerit butësi dhe shije).

Por pritshmëritë janë shumë të larta, duke pasur parasysh se ky biznes duket se do të arrijë në 25 miliardë dollarë deri në vitin 2030. Po ashtu po ecet me shpejtësi edhe në fushën e printerëve të ushqimit, për të plotësuar jo vetëm nevojat e shefave të njohur të kuzhinës, që duan të mahnitin me ushqimet e tyre me forma të pazakonta.

Por mbi të gjitha ato të njerëzve që kanë nevoja ushqimore specifike. Në Universitetin Teknologjik Nanjang në Singapor, është zhvilluar një metodë për të printuar forma nga perimet e freskëta dhe të ngrira, pa shtuar aditivë.

Tani ekzistojnë edhe testet nutrigjenomike për të krijuar dietën më të përshtatshme për ADN-në e njeriut. A ka mbërritur tashmë e ardhmja? ?Duhet të kemi kujdes. Sot dimë diçka për ndërveprimet midis ushqimeve dhe gjeneve, apo midis ushqimeve dhe mikrobotës. Por ajo që nuk dimë është shumë e madhe.

Për momentin, të dhënat praktike dhe vërtet të ndjeshme që mund të marrim nga analizat individuale janë të pakta. Ndaj bazuar në testet aktuale, është e vështirë të mendohet për rekomandimet ushqimore. Ushqimet funksionale dhe ushqimi i personalizuar do të jenë e ardhmja, por ne do të jemi në gjendje të korrim përfitimet reale pas 30 viteve, kur të kemi mundësi të mbledhim sasinë e madhe të të dhënave që mund të marrim nga gjenet dhe mikrobota?- thotë eksperti Paskuale Straculo, president i Shoqatës Italiane të Ushqyerjes së Njeriut (SINU).

Këto dieta të personalizuara të jenë të dobishme për njerëzit që kanë probleme me tretjen, edhe sepse me metodën e re garantohen format dhe butësia e dëshiruar, duke ruajtur shijen dhe lëndët ushqyese. Kjo teknologji është një zgjidhje edhe për fëmijët e pabindur për të ngrënë një karotë.

Ofrimi i saj me maskën e një kafshe shtëpiake mund t?i bëjë ata që ta vlerësojnë atë, me një procedurë më të lehtë sesa mashtrimi që bëjmë zakonisht duke e bluar karotën në blender.

Vitet e fundit është vërtetuar se përbërja e florës bakteriale, ndikohet shumë nga ajo që hamë. Bakteret e zorrëve metabolizojnë dhe transformojnë çdo ushqim që ne prezantojmë, dhe për këtë arsye ndikojnë shumë në efektin e çdo ushqimi në trup./ focus.it–Përshtatur nga CNA.al