E fundit!

21:26 Politikë

Balla reagon ndaj Athinës: Narta është tokë shqiptare, autoktone

Kryetari i Grupit Parlamentar të Partisë Socialiste dhe Dr...

Borrel: Putini nuk dëshiron armëpushim/ "Evropa do ta ndihmojë Ukrainën për ta zmbrapsur pushtimin rus"

26 Prill 2022, 09:42, Blog CNA

?La Repubblica?

Synimi ynë është ta ?sprapsim Putinin? nga Ukraina. Presidenti i Këshillit Evropian Sharl Mishel ka ?angazhuar? të gjithë Evropën: Bashkimi Evropian synon fitoren e Ukrainës. Përfaqësuesi i Lartë i BE-së Josep Borrel, thotë se Evropa nuk mund ta ndalojë dot

ndihmën ndaj Kievit. Në fakt, fluksi i dërgimit të armëve ?do të rritet?, por pa u bërë ?bashkëluftëtarë në këtë konflikt?. Edhe pse nuk ka ende një marrëveshje nëse sanksionet e reja do të përfshijnë embargon ndaj naftës dhe gazit rus.

Kanë kaluar 2 muaj që nga fillimi i luftës. Kush mendoni se do ta fitojë?

Për momentin ajo që dimë, është se ka dështuar përpjekja e parë e Rusisë. Rusët donin të pushtonin Kievin shpejt, duke e sulmuar Ukrainën nga deti dhe kufiri me Bjellorusinë.

Dhe dështuan. Unë kam parë togje të shumta tankesh ruse të shkatërruara. Ndaj rusët u detyruan të tërhiqen nga Kievi, për t?i përqendruar të gjitha përpjekjet e tyre në Donbas.

Për momentin rusët kanë humbur.

Por kjo vetëm për momentin. Presidenti i Këshillit Evropian Mishel është shprehur:?Ne duam që të fitojë Ukraina?. A ekziston rreziku për t?u bërë bashkë-luftëtarë në këtë luftë?

Ne mbështesim njërën palë por pa u bërë një palë ndërluftuese. Ky është një ekuilibër delikat. Unë i kuptoj fjalët e Mishel. Ndihma jonë ushtarake ndaj Ukrainës do të vazhdojë dhe do të rritet. Dërgesat e armëve do të vazhdojnë. Mishel flet në emër të Bashkimit Evropian.

Gjermania dhe qeveria Sholc është akuzuar për sabotimin e kundërpërgjigjes ndaj Rusisë. Madje edhe në ndihmat në armë. Çfarë prisni nga Berlini?

Është gjithmonë e vështirë të arrihet një konsensus i caktuar. Këtë herë ndodhi më shpejt sesa në të kaluarën. Ne kemi vendosur ta përdorim buxhetin tonë për të financuar armatimin e Ukrainës. Tani të gjitha vendet anëtare po e furnizojnë Kievin. Unë kam biseduar me ministrin gjerman të mbrojtjes, dhe ai më siguroi se po e furnizojnë Ukrainën me armë sa më shpejt të jetë e mundur.

Cili është synimi i BE-së? Tërheqja e Rusisë? Dhe a do të jetë ende e mundur të negociohet me Putinin në të ardhmen?

Të gjitha luftërat kanë përfunduar me negociata ose dorëzim. Por edhe dorëzimi duhet të negociohet. Qëllimi ynë është ta pengojmë Moskën që të marrë gjithë kontrollin e Ukrainës, që të pushtojë kryeqytetin Kiev, të ndryshojë qeverinë, të imponojë dominimin e saj, dhe ta shtyjmë agresorin drejt kufijve të tij.

Ne duam që ukrainasit të jenë në gjendje të mbrojnë veten e tyre. Dhe ne do të donim që të ulemi në tryezën e bisedimeve. Por ajo që Putin i tha kancelarit austriak është shumë e qartë: ai nuk do ta ndalë luftën që ka nisur. Atëherë duhet ta ndihmojmë Ukrainën me çdo mjet që kemi në dispozicion. E çfarë mund të bëjmë tjetër?

Ndihma edhe për të rikthyer Krimenë?

?Unë nuk e di se cili është synimi i Putinit. Por kur disa njerëz të mirë dhe me zemër të madhe, më thonë se Ukrainës nuk duhet t?i jepen armë pasi kjo do ta zgjasë luftën unë u them: Në rregull, po pastaj? Nuk ju intereson sesi ndalet kjo luftë? Ose kjo pyetje merr përgjigje ose është një retorikë e pastër.

Kjo do të përsëriste frazën:Lufta ose fitohet ose humbet në fushën e betejës?

Putini nuk do negociata. Të dielën thirra një takim të udhëheqësve ushtarakë. Por nëse më thonë se do të ngrihet tryeza e bisedimeve, unë jam gati që nesër. Por të arritur paqen, në tavolinë duhen 2 palët. Ashtu si në një Tango.

Me këtë krizë, Evropa po tregohet më shumë apo më pak e pavarur? Pa SHBA nuk është e mundur të bëhet shumë. Edhe për armatimet…

Autonomia është një koncept më i gjerë. S?ka të bëjë vetëm me autonominë ushtarake. Në shumë mënyra ne kemi një deficit, ku më i rëndësishmi është në sektorin energjitik. Ne varemi në mënyrë thelbësore nga vendet me të cilat kemi sot marrëdhënie shumë të këqija.

A duhet ta kishim kuptuar më herët këtë?

Kjo është e vërtetë. Kur Krimea u pushtua nga Putini, ne duhet të kishim reaguar. Aspekti i dytë ka të bëjë me aftësinë ushtarake. Të gjitha vendet po kontrollojnë arsenalet e tyre ushtarake. Për ne kjo luftë është një testi i mirë.

Në pritje të autonomisë energjetike, ju do të miratoni sanksione të reja për naftën dhe gazin. Kur? Javën tjetër? Pas 2 javësh? Muajin tjetër?

Nuk mund të themi një datë të saktë. Vendimi është në dorën e qeverive. Komisioni nuk ka kapacitet për të paraqitur propozime. Për momentin nuk ka asnjë marrëveshje. Gjermania do të anulojë deri në fund të këtij viti të gjitha blerjet e naftës nga Rusia. Por zgjedhja është e saja.

Po në lidhje me gazin?

Gazi është një aspekt tjetër. Ai nuk përdoret vetëm për t?u ngrohur. Ai përdoret për të prodhuar plastikë. Pa gaz ndërpritet puna në shumë sektorë industrialë. Megjithatë, mund t?ju them se sasia e gazit të lëngshëm po bëhet më e madhe se ajo e gazit rus.

Po sanksionet?

Në ditët e ardhshme ato do të rikthehen në tryezën e diskutimeve. Por disa shtete kanë thënë se do të vendosin veton kundër çdo lloj vendimi kolektiv. Nuk ka unanimitet. As për të vendosur një kufi mbi çmimet apo ndonjë taksë.

Por si mund të pritet kjo nyjë? E pamë çfarë bënë rusët në Buça. A duhet të presim që ata të hedhin një bombë bërthamore që të mos vazhdojmë të bëjmë biznes me ta si zakonisht?

Gjërat nuk janë si më parë. Por disa shtete e kanë bërë të qartë se nuk do ta mbështesin asnjëherë një ndalim apo një taksë ndaj gazit rus. Na pëlqen apo jo, kjo është situata. Vende të tjera si Gjermania dhe Italia, po e zëvendësojnë vullnetarisht gazin rus me alternativa të tjera. A do të ishte më mirë, embargo apo taksë? Po, por për momentin nuk ka unanimitet.

Përkthyer dhe përshtatur nga CNA.al