E fundit!

16:00 Aktualitet

“Të shtyhet afati i komisionit”/ Zhupa te “Territorialja”: Duhet mendimi i ekspertëve ndërkombëtarë për ndarjen e re

Deputetja e Partisë Demokratike, Ina Zhupa, ka kërkuar në ...

Mbi tre vite që s’kryhet pagesa/ KE i vë afat shtetit shqiptar të dëmshpërblejë sa më parë “Pallatin e Bashës”

16 Mars 2022, 22:01, Aktualitet CNA

Komiteti i Ministrave të Këshillit të Europës i bën thirrje qeverisë shqiptare të dëmshpërblejë pronarët e kompleksit ?Jon? të shembur në vitin 2013 gjatë ndërtimit të Lungormares në Vlorë, që njihet nga publiku i gjerë edhe si pallati i vjehrrit të Lulzim Bashës.

Vendimi është marrë gjatë mbledhjes së mbajtur lidhur me mos-ekzekutimin e vendimit të Gjykatës Europiane të të Drejtave të Njeriut që e detyron shtetin shqiptar të paguajë një dëmshpërblim prej mbi 13 milionë euro ndaj pronarëve të pallatit të shembur në Vlorë, Xhuvi Sharxhi dhe Xhafer Isufi, ky i fundit vjehrri i kryedemokratit Lulzim Basha.

Në mbledhje është shprehur shqetësimi për mos-nisjen e pagesave të dëmshpërblimit prej më shumë se 3 vite e gjysmë që prej dhënies së vendimit. Komiteti i Ministrave të Këshillit të Europës deklaron i ka kërkuar autoriteteve shqiptare ?të sigurojnë pagesën e plotë të shpërblimit të drejtë, me kamatë vonese, pa ndonjë vonesë të mëtejshme dhe të informojnë Komisionin për çdo masë konkrete të ndërmarrë në këtë drejtim deri më 15 qershor 2022?, shkruan newsbomb.

Në Çështjen ?Sharxhi dhe të tjerët kundër Shqipërisë?, thuhet se autoritetet shqiptare vendosën shembjen e pallatit, për të cilin pati akuza se ishte ndërtuar duke zgjeruar tokën në det, ndonëse kishte një vendim të përkohshëm të Gjykatës që ndalonte shembjen.

Në mbledhjen e Komitetit të Ministrave eruopianë është vendosur që ?pasur parasysh kompleksitetin e çështjeve të ngritura nga ky aktgjykim dhe pengesat e hasura në pagesën e dëmshpërblimit, të vazhdojë shqyrtimin e kësaj çështjeje sipas procedurës së zgjeruar; dhe fton autoritetet të dorëzojnë informacion mbi çështjet në lidhje me masat individuale dei më 15 qershor 2022 dhe deri më 30 shtator 2022 për pjesën e mbetur, dhe vendosi të rifillojë shqyrtimin e këtij rasti jo më vonë se mbledhjen e DH-së në mars 2023?.

Komiteti i Ministrave në Këshillin e Europës është i përbërë nga ministrat apo zëvendës ministrat e Jashtëm të vendeve anëtare të cilët mbikqyrin zbatimin e vendimeve të GjEDNJ.