web counter
LEXO PA REKLAMA!

SHKARKO APP

App Store
Google Play

E fundit!

x

“Ka nevojë për analizë psikologjike...”/ Duma ‘tallet’ me Bashën: Tregon se çfarë bën në mbledhje

14 Mars 2022, 20:42, Aktualitet CNA

Deputetja Grida Duma, ishte e ftuar në emisionin “Të Paekspozuarit” me Ylli Rakipin, ku ka folur për situatën në PD dhe faktin që Lulzim Basha refuzon të japë dorëheqjen.

Duma tha se Basha “i ka djegur të gjithë etapat” dhe duhet të largohet nga drejtimi i PD. E pyetur se përse nuk largohet edhe pse i ka të gjithë kundër, ajo tha se duhet një analizë psikologjike për këtë rast.

?Nuk është situatë e lehtë, por është situatë që kërkon zgjidhjen. I ka djegur të gjithë etapat Lulzim Basha për të sugjeruar çdo gjë qe ka të bëjë me kreun e PD. Nuk mund të kryesojë më PD-në, sepse PD në 6 mars, na përket të gjithëve të mbajmë përgjegjësinë dhe të bëjmë ringritjen e partisë. Kam marrje fryme për një rezultat që nuk duhej kurrësesi të shkonte në këto minimum. Mbështetja ime e pakushtëzuar për Bashën kishte marrë fund.  Pas një shansi pas 9 shtatorit, nuk mund të tolerohej më.”

E pyetur se cfarë ju thotë Basha në mbledhje kur ju i kërkoni dorëheqjen, Duma tha se mban shënime.

?Ndoshta duhet analizë psikologjike profesionale. Nuk ka mundësi që njeriu normal, kur dëgjon që shumicë nuk dëshiron që ai të vijojë, ai të kapet pas fijes së barit.
Në këto mbledhje edhe janë shtrembëruar fjalët. Por, është një tentativë për të zvarritur zgjidhjen që është vetëm një. Cfarë thotë? Ai merr shënim. Kur të gjithë i kërkojnë dorëheqjen, ai merr shënim dhe thotë, filani më thotë jep dorëheqjen.?/E.T-CNA.al





Lajmet e fundit nga