E fundit!

09:49 Kosova & Bota

Kurti: Kosova nuk kishte nevojë për këto zgjedhje, rezultati e dëshmoi qartë

Kryeministri në detyrë i Kosovës, Albin Kurti u shpreh në ...

Ndarja e PD për zgjedhjet e 6 marsit/ Muka optimist, sa vota do marrë kandidati i Bashës në Durrës

13 Shkurt 2022, 15:38, Politikë CNA

Zgjedhjet e pjesshme vendore, më tepër sesa një proces zgjedhor, janë edhe një test për partitë politike.

Në 6 bashki do të votohet për kryetarët e rinj, ndërsa PD për herë të parë shkon e përçarë në dy grupime, në një anë ata që mbështesin ish kryeministrin Sali Berisha dhe nga ana tjetër ata që janë në krah të Lulzim Bashës.

Në një intervistë për CNA.al, kandidati për kryetar Bashkie në Durrës Ardian Muka u shpreh se në zgjedhjet e 6 marsit PD do të jetë në një betejë brenda vetes, ndërsa shpreh besimin se demokratët do të dinë të zgjedhin alternativën e duhur.

Muka deklaroi se do të ketë një pjesë të votave të demokratëve që do kalojnë për Luan Hotin, kandidatin e Bashës, por sipas tij do të jenë në nivelin minimal.

?Në këtë pikë, natyrisht ka një betejë brenda vetes, por që unë kam shumë shpresë që demokratët e Durrësit do ta kuptojnë që deri në momentin e fundit ata janë keqpërdorur nga politika e Tiranës, nga kjo përçarje që ka ndodhur natyrisht të shtyrë nga deputeti Basha dhe do bëhen pjesë e asaj çfarë është vizioni për zhvillimin e qytetit dhe nga ana tjetër do kuptojnë që shumica e PD nuk është meatë që i ka ngelur vula por qytetarët janë aty ku lufta ndërmjet opozitës dhe pozitës është bërë reale dhe nuk është bërë e tradhtuar.

Thënë këtë, natyrisht mendoj që do ketë një pjesë votash, por që do jenë minimale që do shkojnë në krahun e kandidatit të nxjerrë nga zoti Basha por ajo që është e rëndësishmë është që qytetarët durrsakë do të dinë të bëjnë aleancën e duhur me ndryshimin që do mbahet në datën 6 mars në Durrës dhe jo vetëm?, tha Muka për CNA.al.

Por ndonëse pushteti vendor në Durrës prej vitesh drejtohet nga socialistët, kandidati i koalicionit Shtëpia e Lirisë shprehet se qytetarët dinë të përgjigjen dhe të reagojnë me votë ndaj arrogancës politike.

?Qytetarët durrsak e kanë treguar shpesh herë që kur pushteti i ka parë ata nga lart me arrogancë, duke i injoruar ata, durrsakët i kanë kthyer monedhën me votën e tyre kundër. Shembulli më i qartë është ai i vitit 2005 kur në Durrës u bë një rezultat sensacional për atë kohë, sepse megjithëse qeveria e majtë me arrogancën e saj, me influencat që ushtronte në proceset e votimit, në mënyrën se si zhvillohej edhe gara elektorale, qyteti i Durrësit bëri një rezultat sensacional 8 me 0 në favor të opozitës. Sikurëse pas një viti e gjysëm kur mendohej që gjasat do bënte përsëri të njëjtin rezultat në qytetin e Durrësi, durrsakët votuan kundër projektit që u paraqit në atë kohë nga e djathta dhe ja dhanë të drejtën për të administruar qytetin të majtës?, deklaroi ai.

Muka shton se për gati 22 vjet, durrsakët janë udhëhequr pa zemër dhe vizion nga ata që i kanë drejtuar deri më sot.

?Thënë këtë, unë kam shumë besim që atë se çfarë duan bashkëqytetarët e mi, nga Ishmi në Romanat, do të shprehen me votë në datën 6 mars për ndryshimin e shumë kërkuar. 22 vite janë shumë, për jetën e një njeriu normal, por kjo nuk ka lidhje se janë udhëhequr nga e majta apo do udhëhiqeshin nga e djathta. Unë them se qytetarët durrsakë janë udhëhequr pa zemër, pa vizion, janë udhëhequr thjesht për interesa të ngushta individuale, për fatin tonë të keq?, tha Muka./E.K-CNA.al