E fundit!

14:54 Politikë

"Nuk mjafton produkti formal, por përmbajtja"/ Debat Boçi-Mazniku për afatin e Reformës Territoriale

Këtë të mërkurë po mbahet seanca e radhës e Komisionit të ...

Dosja një milionë dollarë në SHBA/ Bashkë me inceneratorët, SPAK të hetojë Bashën

13 Shkurt 2022, 12:25, Politikë CNA

Kryetari i shkarkuar i PD, Lulzim Basha ka dalë sot në një deklaratë për mediat, ku ka folur në lidhje me çështjen e inceneratorëve, e cilësuar edhe si afera e shekullit.

Basha hodhi akuza të forta ndaj Qeverisë, ndërsa nuk munguan edhe mesazhet ndaj Prokurorisë së Posaçme Kundër Krimit të Organizuar dhe Korrupsionit (SPAK).

Basha iu drejtua SPAK, duke kërkuar hetimin dhe zbardhjen e plotë të kësaj dosje.

“Mos prisni që të japë dorëheqjen ministri i radhës por vërjani prangat në ministri, mos prisni që të japë dorëheqjen kryebashkiaku i radhës por vërjani prangat në zyrë. Do të kenë mbështetjen e gjithë shqiptarëve. Me këtë aferë është zbuluar afera më e madhe korruptive për të zhvatur të ardhmen e shqiptarëve”, tha Basha.

Në fakt Lulzim Basha ka shumë të drejtë, afera e inceneratorëve është një këmbanë alarmi, për të cilën drejtësia duhet të lëvizë, duhet ta zbardhë dhe personat e përfshirë duhet të përfundojnë në pranga.

Por, krahas dosjes së inceneratorëve, një tjetër dosje për të cilën SPAK, nuk mund të mbyllë sytë është edhe ajo e lobimeve të Lulzim Bashës, në SHBA, me para nga off-shoret ruse.

SPAK bashkë me inceneratorët, duhet të zbardhë edhe dosjen një milionë dollarë të Lulzim Bashës, dhe foton me ish-presidentin e SHBA, Donald Trump.

Shumë mirë që SPAK duhet të hetojë inceneratorët, por po fotoja e Bashës me Trump, që u mbyll me procedurë?

Po deklarimet që nuk janë dhënë?

Kujtojmë këtu se në prag të zgjedhjeve të përgjithshme parlamentare të vitit 2017, Lulzim Basha publikoi në rrjetet sociale një foto me ish-presidentin e SHBA-së, Donald Trump.

Në media u raportua se fotoja e Trump me Bashën ka kushtuar jo pak, por rreth 20 mijë dollarë.

Presidenti Trump ka qënë në një mbrëmje për mbledhje fondesh për një kandidat të partisë së tij. Trump ka bërë foto me cilindo që ka qenë i pranishëm dhe ka paguar 20 mijë dollarë, pra një foto në një kalim nga 2 sekonda që ka bërë secili i pranishëm.

Basha ka blerë një biletë për të hyrë në këtë mbrëmje dhe çmimi i një bilete për të hyrë në event është 10-20 mijë dollarë (në varësi te pozicionit ku do të ulesh).

Por, dardha e ka bishtin prapa dhe pas publikimit të fotos me Trump, plasi edhe skandali i lobimeve me para të financuara nga kompani off shore ruse.

Pra, skandali i lobimeve me Nick Muzin në SHBA, ku janë paguar 1 milion e 25 mijë dollarë, për të cilin Lulzim Basha tre herë kur foli ka dhënë tre versione të ndryshme .(Lexo këtu)

Çështja e lobimeve të Lulzim Bashës, bëri bujë në media. Në lidhje me këto lobime, pati denoncime nga BIRN, Zëri i Amerikës, New York Times dhe bëri një zhurmë të madhe në Shqipëri.

CNA.al i shkoi më tej investigimit dhe në muajin mars të vitit 2019, janë publikuar dokumentet zyrtare të Departamentit të Drejtësisë në SHBA, ku sipas deklarimeve të bëra nga Kompania Lobiste Muzin Capitol LLC, regjistruar në 14.11.2017 rezulton se: Kompania ruse Biniatta Trade LP do ti paguante STONINGTONE STRATEGIES sipas marrëveshjes 4 shuma.

Lulzim Basha ka paguar 450 mijë USD në tre muaj dhe shumën 500 mijë USD, si special fee nga kompania Ruse offshore dhe janë plot 950 mijë USD. Plus 75 mijë USD paguar nga PD, janë plot 1.025.000 USD paguar nga PD dhe Lulzim Basha për lobim në SHBA.

Pra, SPAK bën mirë të hetojë dosjen e inceneratorëve, por nuk mund të mbyllë sy e veshë as për djesn 1 milionë dollarë, të Lulzim Bashës./CNA.al

Arrestohet në SHBA biznesmeni turk afër Lulzim Bashës

MEGA-SKANDALI dhe dokumenti/ Lulzim Basha pagoi 950 mijë usd nga kompania Ruse offshore, prokuroria uli shifrën

Lobimi rus në SHBA/ Dy gënjeshtrat publike të Lulzim Bashës

Si qëndron e vërteta e lobimit të Lulzim Bashës në SHBA?!

Afera e inceneratorëve/ Zbulohet ku shkuan miliona eurot e paguara për agjencitë turistike

51 fakte dhe dokumente për aferën e inceneratorëve

?Fluturojnë? inceneratorët/ Qindra mijëra dollarë për agjenci turistike

FOTO-FAKT/ Koncensioni 128 milionë euro vetëm një kapanon