LEXO PA REKLAMA!

SHKARKO APP

Gara për Durrësin/ Nga plani vendor tek porti, Ardian Muka tregon objektivat e tij

13 Shkurt 2022, 15:27, Politikë CNA
Gara për Durrësin/ Nga plani vendor tek porti, Ardian Muka tregon

Kandidati i koalicionit Shtëpia e Lirisë, i dalë nga primaret e zhvilluara në PD, Ardian Muka, ka treguar se ku do të fokusohet fushata e tij për Bashkinë e Durrësit.

Në një intervistë për CNA.al, ai ngriti disa nga problematikat e qytetit që kanë ardhur sipasojë e keqadministrimit.

Mos pasja e një plani vendor, sipas tij lë mundësi për abuzim, ndërsa aprovimin për të kaluar portin e qytetit të Durrësit, në një port jahtesh me një vendim sa hap e mbyll sytë, pa transparencë dhe një studim fizibiliteti ai e konsideron si një turp.

?Qyteti im, qyteti i Durrësit ka shumë problematika. Problematika që kanë ardhur nga keqadministrimi, problematika që kanë ardhur nga korrupsioni, nga injoranca në drejtimin e këtij qyteti. Ajo që unë do të thoja një nga shtyllat kryesore, nga ku duhet filluar dhe ku unë do ngul këmbë me forcë është miratimi i planit të përgjithshëm vendor . Durrësi sot që flasim është i vetmi qytet në republikën e Shqipërisë i cili nuk ka një plan vendor, megjithëse nga viti 2015 Këshilli Bashkiak ka miratuar fondin, ka dhënë detyrën e ekzekutimit të këtij plani urbanistik dhe duhet të mbaronte në fund të vitit 2016. Jemi në vitin 2022, akoma qyteti jonë nuk ka një plan të përgjithshëm vendor, duke lënë mundësi të abuzohet me lojrat e vogla të shtetit, natyrisht edhe me lojrat e mëdha, ku natyrisht akti i fundit dhe i turpshëm është aprovimi për të kaluar portin e qytetit të Durrësit, në një port jahtesh me një vendim sa hap e mbyll sytë, pa krijuar transparencë me publikun, pa bërë një studim fizibiliteti, thjesht dhe vetëm për qëllime elektorale.

Unë nuk jam kundër jam për zhvillimin e qytetit edhe në një port turistik, edhe aty ku është por jo në këto kushte. Jo që qytetit t’i vidhet porti ditën për diell, qytetarëve tu vidhet një pasuri, jam për atë që ajo pronë t’i ngelet shqiptarëve dhe jo atyre që janë regjistruar në kompanitë offshore. Tu ngelet shqiptarëve që ata të kenë mundësi të krijojnë një fond publik investimesh, ku të gjithë  bashkë të jenë aksioner të asaj që natyra na ka falur dhe brezat e qytetarëve durrsak kanë bërë për portin e Durrësit?, tha Muka për CNA.al.

Duke u ndalur dhe tek primaret, ai i ka konsideruar si maksimumi i demokracisë që duhet të shtrihet edhe në zgjedhjet politike.

?Primaret janë maksimumi i demokracisë, ku e gjithë anëtarësia arrin të shprehet me votën e saj për atë që ata mendojnë se është figura më e mirë për ti udhëhequr në garën për bashki. Është një revolucion, që si përherë në vendin tonë e sjell PD dhe e sjell vizioni i liderit legjendar zotit Berisha, që megjithëse 77 vjeçar sheh më larg se disa lidera të tjerë, si atyre që i ka pasur dhe udhëhequr brenda partisë së tij ashtu edhe liderët e opozitës. Pra është maksimumi i demokracisë. Duhet të shtrihet edhe më tej, duhet të shtrihet edhe në zgjedhjet politike natyrisht dhe duhet të jetë edhe në një spekter më të gjerë.

Në gjykimin tim të mos bllokohet thjesht nga anëtarësia por ajo të hapet si votim edhe nga votuesit e thjeshtë të qytetit, natyrisht simpantizantët por ajo të jetë e hapur edhe për qytetarët.?/E.T-CNA.al

Lajmet e fundit nga