LEXO PA REKLAMA!

SHKARKO APP

Dosja “Blushi” dhe heshtja e SPAK

23 Dhjetor 2021, 12:17, Politikë CNA

Ben Blushi është një personazh i njohur për publikun shqiptar si politikan, por së fundi edhe për bëmat dhe gjëmat e tij si Drejtor i Përgjithshëm i Top Channel.

I shumë akuzuar mediatikisht, Ben Blushi duket të jetë qartazi politikani që braktisi gazetarinë dhe më pas u kthye në menaxher mediash me qëllimin e vetëm shtimin e pasurisë së tij.

Ka disa kallëzime në SPAK, por Arben Kraja dhe kolegët e tij nuk e kanë parë të nevojshmetë hetojnë politikanin Ben Blushi, megjithëse sipas ligjit ata e kanë detyrim.

Ka disa kallëzime të bëra nga prokurorë, por edhe qytetarë në lidhje me pasurinë, burimin, fshehjen e saj. Të dhëna të cilat janë denoncuar dhe në shumë media.

CNA.al ka qënë një prej tyre, e cila ka zbuluar që nga falsifikimi i firmës së vajzës së Ben Blushin, N. Blushi, në blerjen e një prone e cila kushtonte rreth 500 milionë lekë, e firmosur për një vlerë vetëm 30 mijë euro.(Lexo këtu)

Kjo e kryer gjatë kohës që Ben Blushi ishte deputet në vitin 2015.

Duke shkuar më tej tek deklarimi nga një kompani private, pranë CNA.al se shoferi i Ben Blushit kishte marrë rreth 60 mijë dollarë karburant. Kjo gjatë kohës që ishte deputet dhe sasia e karburantit nuk ishte paguar.(Lexo këtu)

Më tej, një histori konflikti me një pallat të ndërtuar në Tiranë, vendosur në emër të vjehrrit të Ben Blushit, të ndjerit Abaz Brati. Me një gjyq formal për gjoja 70 mijë dollarë, rrëmbehej një pjesë pronësie dhe më pas vjehrri i ndjerë i Ben Blushit do të fitonte pasuri marramendëse në qendër të kryeqytetit.(Lexo këtu)

Më tej, Ben Blushi bëhet drejtor i Top Channel. Zbulohen lidhjet e tij me inceneratorët. Ekrani kryesor i shqiptarëve kthehet në median që mban ison, e aferës korruptive të shekullit, në vend.

Vetë Ben Blushi bëhet ortak në një kompani të quajtur Kudo Pay, me Stela Guallën dhe Vjollca Hoxhën.

Pra, pronarja e Top Channel, pronarja e inceneratorit të Elbasanit dhe Ben Blushi janë ortakët e kësaj kompanie.(Lexo këtu

 

Nga ana tjetër, më parë CNA.al zbuloi një kompani në Bullgari, EM Capital Group, e cila ka për ortakë Klodian Zoton, tashmë të shpallur në kërkim, me urdhër arrest.

Mirel Mërtirin, bashkëpunëtorin e Klodian Zotos, dhe një prej njerëzve që quhet ?truri? i skemës së incenetatorëve. Si dhe Eva Blushin, bashkëshortja e Ben Blushit.

Më tej, Ben Blushi thjeshtë dhe vetëm shton pasurinë e tij.

Janë dhjetëra miliona lekë të marra si drejtor i Top Channel, por sipas një databaze të nxjerrë së fundi, vetëm në janar të vitit të kaluar deklarohen rreth 240 milionë lekë.

Në një alibi nxjerrë në media pranë qeverisë, thuhet se ka qënë një formë shpërblimi. Por, kjo ka pak rëndësi tashmë.

cna news, cna lajme, lajme cna, lajme flash cna, cna.al, cna lajme politike,Ben Blushi, duhet të hetohet. SPAK duhet ta hetojë dhe të hapë dosjen e tij.

Si u pasurua dhe pse u pasurua ky njeri? I cili ka qënë ministër, zv.ministër, deputet dhe politikan.

Pra, a kanë ardhur këti benefite nga postet publike që ka mbajtur?

A kanë ardhur këto benefite për shkak të faktit se ishte drejtor i Top Channel?

Si është shtuar pasuria e tij? Ben Blushi ka qënë subjekt i deklarimit deri në vitin 2018, pasi la mandatin e deputetit dhe shqiptarët nuk e zgjodhën më në aventurën e tij me partinë LIBRA.

Sot, SPAK ka më shumë se një fakt.

Ka dy kompani, në ortakëri të Ben Blushit dhe bashkëshortes së tij, me Klodian Zoton, Mirel Mërtirin dhe Stela Gugallën.

Është një kompani tjetër në Tiranë. Kompania e brandit të njohur Lori Kafe, ku është aksioner Em Capital Group. Sërish aty është Eva Blushi, bashkëshortja e Ben Blushit.

Kjo kompani është blerë për 2.2 milionë dollarë. (Lexo ketu)

Ku i gjeti Eva Blushi 33% të kësaj shume për ta paguar?

Nga ana tjetër, si u mbyll dosja e noteres së famshme, ku është firmosur kontrata e falsifikimit të firmës së vajzës së Blushit, N. Blushi. Me një procedurë nga ministria e Drejtësisë, sepse kishin kaluar pesë vite nga kryerja e falsifikimit? (Lexo ketu)

Pra, në Shqipëri mund të falsifikosh, dhe nëse nuk të kapin pesë vite, kontrata është e vlefshme.

Nga ana tjetër, as prokuroria nuk e heton.

SPAK-u, hesht.

Dalin kompani në ortakëri me inceneratorët, SPAK-u hesht.

Dalin firma të falsifikuara, Ministria e Drejtësisë i mbyll.

Sot po dalin paga miliona e miliona lekë.

Cili është burimi i këtyre të ardhurave?

Nga vinë këto para? Përse duhen paguar shuma të tilla marramendëse?

A duhet prokuroria të hapë një herë e mirë letrat e Ben Blushit?

SPAK nuk mund të heshtë. As Prokuroria e Tiranës nuk mund të bëjë të paditurin dhe me procedurë të mbyllin letrat për një deputet, ish-deputet, ish-ministër, drejtues televizioni, i cili ka krijuar një pasuri të frikshme dhe është zyrtarisht ortak, me pronarët e koncesionit të inceneratorëve, e akuzuar si afera korruptive e shekullit.

Dhe jo vetëm ai, por edhe bashkëshortja e tij.

Pra, Ben Blushi nuk mund të shpëtojë me procedura apo se ka dhënë dorëheqjen nga Top Channel.

Apo se dikush mund t?i garantojë atij të vazhdojë jetën i qetë, se ska rëndësi zullumet apo pagat dhe paratë që ka fituar në ortakëri me njerëz të aferave korruptive.

Me njerëz të cilët siç pretendohet, janë të paktën 430 milionë dollarë të taksave të shqiptarëve që do të qarkullojnë pas kontratave koncesionare të inceneratorëve që shkojnë në një vlerë jo më pak se 178 milionë euro kontratë direkte me Qeverinë.

Pa folur për shumën tjetër që është diferenca që vjen nga shërbimi që ofrohet.

Ben Blushi është njeriu i zhytur në ortakëri me inceneratorët.

Ben Blushi dhe familjarët e tij, janë kapur në falsifikim, tek noterja Violeta Sulkaj.

Ben Blushi është njeriu që i doli një pagë marramendëse.

Njeriu që pretendonte se fliste për të varfërit, për qytetarët, në emër të njerëzve, të publikut, kur bëri partinë e tij LIBRA, por në fakt halli i tij pask qënë thjeshtë dhe vetëm pasurimi.

Mjafton SPAK të marrë dokumentet tek kompanitë e inceneratorëve. Të marrë dokumentet e përfitimeve që ka pasur Ben Blushi dhe atje, duket gjithçka qartazi. Kush është Ben Blushi i vërtetë, ai që qante hallet e shqiptarëve apo që kishte hall xhepin e tij.

SPAK nuk mund të heshtë më. SPAK nuk mund të bëjë as qorrin as shurdhin. Faktet janë aty. SPAK duhet të flasë./CNA.al

Skandali/ Ministria e Drejtësisë shfajëson noteren falsifikatore të Ben Blushit

Ekskluzive dokumenti/Zbulohet ortakëria e Klodit të inceneratorëve me Ben Blushin

Dosje për SPAK për Blushin/ Nga pallati i vjehrrit, pronat me vlera qesharake tek tokat në bregdet e Dardhë

Ekskluzive dokumentet/ Klodi i inceneratoreve dhe Ben Blushi, blejnë ?Lori Kafe?

Skandali/ Ministria e Drejtësisë shfajëson noteren falsifikatore të Ben Blushit

Ekskluzive-Skandali me falsifikimin/ Kallëzohet penalisht vajza e Ben Blushit dhe noterja Violeta Sulkaj

Pas Violeta Sulkajt, Ben Blushi ?fundos? një tjetër zyrtare?/ Zbulohet pse u shkarkua drejtoresha në Korçë

Skandali-/ Ben Blushi bëri vajzën pronare duke i falsifikuar firmën (fakte dhe dokumente)

Skandali-/ Ben Blushi bëri vajzën pronare duke i falsifikuar firmën (fakte dhe dokumente)

Lajmet e fundit nga