web counter
LEXO PA REKLAMA!

SHKARKO APP

App Store
Google Play

Masat anti-covid/ Çfarë do ndodhë gjatë festave

23 Dhjetor 2021, 09:29, Politikë CNA

Komiteti Teknik i Ekspertëve ka vendosur të mos ndryshojë masat kundër përhapjes së Covid-19, në vendin tonë.

Në një deklaratë për mediat, Mira Rakacolli, tha se ora policore do të vazhdojë të jetë deri në 23:00, me përjashtim natën e ndërrimit të viteve.

Natën e ndërrimit të viteve, tha ajo, do të lëvizet pa orë policore.

?Niveli i masave që janë në fuqi është i përshtatshëm për të përballuar situatën. Mbeten në fuqi masat që janë. Por përhapja e Omicron në botë, bën të domosdoshëm respektimin e përgjegjshëm të masave. Të gjithë studiuesit po bëjnë thirrje për përshpejtim të procesit të vaksinimit, sepse po bëhet e qartë se infektohen më tepër të pa vaksinuarit dhe humbjet e jetës janë te të pa vaksinuarit. Sidomos kjo bëhet e ndjeshme në kushtet e pranisë së variantit Omicron.

Vaksinimi s?është zgjedhje personale, por përgjegjësi kolektive. Jemi në fundvit, vjet patëm raste të rritura për shkak të mosrepspektimit të masave. Të respektohen standardet këtë vit e të përdoret maska. Ora policore vijon të mbetet e njëjtë, përjashtim të natës së ndërrimit të viteve?, tha Rakacolli./CNA.al





Lajmet e fundit nga