web counter
LEXO PA REKLAMA!

SHKARKO APP

App Store
Google Play

E fundit!

x

Pasuria marramendëse e Erion Isufit/ Si e favorizoi Basha kur ishte kryetar Bashkie

22 Dhjetor 2021, 17:10, Politikë CNA

Juristja dhe aktivistja Adriana Kalaja u shpreh se vjerri dhe kunati i Lulzim Bashës janë në pronësi 14 kompani SHPK, duke theksuar se në vitin 2017 me urdhër nga lart është ndaluar kontrolli financiar mbi këto shoqëri.

Në një intervistë televizive, Kalaja theksoi se kompanitë kryesore datojnë në kohën kur Basha ka qenë në krye të Bashkisë së Tiranës.

?Për të qënë të saktë, këto 9 kompani SHPK, pjesa dërrmuese janë 100% të kapitalit në pronësi të kunatit të deputetit Basha, si dhe 5 kompani të tjera janë në pronësi të vjerrit të deputetit Basha. Në total, 14 kompani të cilat kanë filluar aktivitetin përafërsisht në momentin që deputeti Basha ka qënë kryetar bashkie. Nuk është një biznes që ka lindur nga familjarë të bashkëshortes në një kohë që vetë deputeti nuk ka pasur asnjë mënyrë për të krijuar një pasuri të caktuar apo pa pasur asnjë llojë mënyrë për të ndikuar.

Po të shohim, të gjitha datat e krijimit të këtyre shoqërive, asnjë nuk daton para se Basha të ishte ministër apo kryetar bashkie. Shoqëria e parë daton në vitin 2009 dhe të gjithë shoqëritë e tjera, më kryesoret datojnë në kohën kur Basha ishte në krye të Bashkisë Tiranë.

Po të shohim shoqërinë e parë që kam specifikuar në status ka datën krijimi në 2012, shoqëria e dytë në vitin 2014 dhe shoqëria e tretë ka datën në 2009 por shikohet që nuk ka aktivitet shumë të madh.

Këto informacione mua mi kanë sjellë njerëz që punojnë brenda organit tatimor dhe më ka bërë përshtypje se jo vetëm që nuk ka asnjë lloj kontrolli ndaj këtyre shoqërive por edhe kur është një rast i caktuar që u ngrit grupi i auditit për këto shoqëri, erdhi urdhri nga lartë që të ndalohej. Kjo ka ndodhur në vitin 2017?, tha Kalaja./E.K-CNA.al





Lajmet e fundit nga