web counter
LEXO PA REKLAMA!

SHKARKO APP

App Store
Google Play

Publikimi i të dhënave personale "tërbon" Metën/ Presidenti kërkon ndëshkim

22 Dhjetor 2021, 12:49, Politikë CNA

Presidenti Ilir Meta ka reaguar me tone mjaft të forta në lidhje me skandalin e publikuar në media, i cili bën fjalë një databazë me të dhënat e qytetarëve të punësuar në sektorin privat dhe publik, shoqëruar me kartat e tyre të identitetit, pozicionin e punës dhe rrogën, që po shpërndahet në Whatsapp.

Në një postim në rrjetet sociale, Meta e cilëson këtë shkelje flagrante të ligjit dhe të drejtave të njeriut.

Meta apelon që personat përgjegjës të hetohen, të ndiqen penalisht dhe të vihen para përgjegjësisë.

?U njoha nga mediat për daljen në publik, të një liste me të dhënat sensitive personale të 637,138 qytetarëve të punësuar, në shkelje flagrante të lirive, të drejtave dhe dinjitetit njerëzor, të ligjeve dhe të Kushtetutës, një rast paligjshmërie i përsëritur, pas skandalit të patronazhistëve.

Të dhënat personale të çdo shtetasi, që depozitohen në institucionet publike dhe që administrohen në bazat e të dhënave shtetërore, janë personale, mbrohen me ligj dhe kanë për qëllim përdorimin e tyre vetëm për interesin e shtetasve dhe të shtetit.

Çdo lloj përdorimi i ndryshëm i tyre është akt kriminal, që rrezikon paqen sociale duke cënuar sigurinë private të çdo qytetari.

I bëj thirrje agjencive ligjzbatuese dhe të ndjekjes penale, të vihen menjëherë në lëvizje, të nisin verifikimet dhe hetimet, të faktojnë këtë veprimtari të përsëritur të paligjshmërisë, duke marrë pa vonesë masat e nevojshme për të garantuar mbrojtjen e të dhënave personale dhe vënien përpara përgjegjësisë të autorëve.?-shkruan Meta./CNA.al

Skandali-Del databaza/ Kush merr rrogën më të lartë në Shqipëri





Lajmet e fundit nga