web counter
LEXO PA REKLAMA!

SHKARKO APP

App Store
Google Play

Publikimi i të dhënave personale/ Ministria e Financave mohon skandalin, “kërcënon” me padi

22 Dhjetor 2021, 14:07, Politikë CNA

Ministria e Financave ka reaguar pas lajmit për publikimin e të dhënave personale dhe listës së pagave të qytetarëve.

Në një deklaratë për mediat, Ministria e Financave thekson se raporti nuk ka dalë prej tyre pasi në databazë ka të dhëna që nuk janë në dokumentin zyrtar.

Ndër të tjera, Ministria deklaron se do të depozitojë një kallëzim penal në prokurori për zbardhjen e kësaj ngjarje.

?Ministria e Financave dhe Ekonomisë ka ndjekur me shqetësim daljen e të dhënave mbi pagat e shtetasve shqiptarë. Analizat paraprake tregojnë qartësisht se nuk ka ndodhur asnjë eksport dixhital i databazës së pagave për periudhën janar ? prill 2021 në fushat e dokumentit të hedhur në qarkullim. Dokumenti ka një numër të ndryshëm nga personat e deklaruar dhe është bashkim i disa copave të ndryshme. Po ashtu databaza digjitale zyrtare e të dhënave të disponueshme nuk e përmban fushën ?Emri i Plotë? siç lexohet në këtë dokument ilegal. Agjencia Kombëtare e Shoqërisë së Informacionit ka mbyllur prej rreth një muaji termat e referencës për procedurën e hapur ndërkombëtare të auditimit për efekt të çertifikimit me standartet ISO të sistemit informatik të tatimeve, e cila shpallet zyrtarisht javët e ardhshme. Ndërkohë ministria e Financave dhe Ekonomisë po përgatit denoncimin zyrtar për prokurorinë, në kërkim të zbardhjes së kësaj ndërhyrjeje kriminale në databazën e pagave të qytetarëve të Republikës së Shqipërisë.?-thuhet në reagim./CNA.al

Skandali-Del databaza/ Kush merr rrogën më të lartë në Shqipëri





Lajmet e fundit nga