web counter
LEXO PA REKLAMA!

SHKARKO APP

App Store
Google Play

E fundit!

x

“Gjendja në PD nuk është normale”/ Ngjela komenton situatën, zbulon fajtorin

22 Dhjetor 2021, 17:35, Politikë CNA

Për avokatin Spartak Ngjela, fajin për krizën në PD e ka ish kryeministri Sali Berisha, që sipas tij ky i fundit po bën një betejë për interesat personale.

Në një intervistë televizive, Ngjela shtoi se i fituari në këtë situatë ishte Lulzim Basha sepse ky i fundit kishte mbështetjen e SHBA-ve.

Ndërsa duke iu referuar padisë që Berisha ka bërë në Gjykatën e Parisit, avokati thekson se një akt administrativ nuk mund të rrëzohet në Francë, por në gjykatën e atij vendi.

?Gjendja brenda PD nuk është normale por do themi se kush e ka fajin. Në cdo akt që mund të jetë edhe trazues duhet të gjejmë shkakun. Shkaku është Saliu, pse ta zgjasim. Cfarë ka ndodhur? Uashingtoni e nxori non-grata. Kjo është e vërteta, të analizojmë këtë jo pasionin. Basha, po ky ç?pati kur e di se e ka shkrepësen nën kësulë?

Këtu DASH ka nxjerrë teorinë se korrupsioni po godet zhvillimin rajonal. Basha ishte nën presion të së vërtetës. Të paktën Basha tha se më nxorën fakte. Cila është arsyeja që Saliu të bëjë revolucion? Ai kërkon që të destabilizojnë shoqërinë dhe më pas të shpëtojë. Por nuk shpëton dot. Unë di që Bashën e përkrah Uashingtoni. Rama është më i shqetësuari këtu sepse nëse PD shkon në Uashington do dalin fitimtarë.

Basha mua më dukej mediokër por qëkur bëri atë veprim, edhe elokuencën e ka ndryshe. Aktualisht ky është më i forti sepse e mbështet Uashingtoni. E pe që Berisha thirri një protest nacionaliste? Pse nuk i vajti njeri? Unë isha në boulevard dhe nuk kishte njerëz.

Shqipëria nuk mund të digjet për fatin e Sali Berishës, fatin e tij duhet ta kërkonte në Uashington sepse akti që të nxjerr non-grata ka një lloj afati ku mund ta ankimosh. Një akt administrativ nuk mund të rrëzohet në Francë, por në gjykatën e atij vendi?, ka deklaruar Ngjela./E.K-CNA.al





Lajmet e fundit nga