LEXO PA REKLAMA!

SHKARKO APP

BE reagon për “Open Balkan”/ Përfitime më të mëdha nëse bashkohen të gjitha shtetet

22 Dhjetor 2021, 20:00, Politikë CNA

BE ka mbështetur deklaratat e komisionerit për zgjerim, Oliver Varhelyi rreth ?Ballkanit të Hapur?, por ka shprehur se përfitimet më të mëdha rajonale do të vinin nga përfshirja e të gjitha shteteve.

Zëdhënësja e Komisionit Evropian, Ana Pisonero ka theksuar se Integrimi Rajonal , i cili bazohet në rregullat e BE-së, i sjell vetëm përfitime rajonit, por gjithashtu, BE-ja do të vazhdojë të mbështesë Këshillin e Bashkëpunimit Rajonal, CEFTA-n, Komunitetet e Transportit dhe Energjisë për të sjellë përfitime për të gjithë BP-në.

?Mungesa e progresit në zbatimin e tregut të përbashkët rajonal ka penguar përfitime të rëndësishme, veçanërisht për biznesin, investitorët dhe konsumatorët?, tha Pisonero për Telegraf.

Nga ana tjetër, BE shprehet se mirëpret që pjesëmarrësit e nismës së ?Open Balkan?, të jenë të përkushtuar për të promovuar integrimin më të madh rajonal.

Ajo shtoi se përfitimet më të mëdha rajonale do të vinin nga përfshirja e gjithë shteteve të Ballkanit Perëndimor.

?Mbetet e qartë se përfitimet më të mëdha do të vinin nga gjashtë shtetet e Ballkanit. Udhëheqësit e Ballkanit Perëndimor duhet të bëjnë përparim në zbatimin e Tregut të Përbashkët Rajonal, të krijuar në Samitin e Sofjes në 2020, me angazhimin konstruktiv të të gjitha palëve. 

Kjo është e rëndësishme për të realizuar përfitimet e plota të integrimit rajonal, për të shfrytëzuar sa më mirë investimet sipas Planit Ekonomik dhe të Investimeve dhe për të lidhur më mirë të gjithë rajonin me tregun e vetëm të BE-së?, tha zëdhënesja e KE-së./CNA.al

Lajmet e fundit nga