web counter
LEXO PA REKLAMA!

SHKARKO APP

App Store
Google Play

“Ngjarje të tilla ndodhin kudo”/ Rama tregon masat parandaluese që do të "kyçin" të dhënat private

23 Dhjetor 2021, 12:00, Politikë CNA

Pasi i ka bërë thirrje Prokurorisë që të hetojë për publikimin e të dhënave të mbi 600 mijë qytetarëve, duke hedhur dyshime mbi inspektorët e tatimeve, kryeministri Edi Rama, ka shpejtuar të justifikohet, duke ia hedhur fajin ndonjë sulmi kibernetik.

Sipas tij ngjarje të tilla ndodhin kudo.

?Dua të sqaroj se këtu kemi të bëjmë me një ndërhyrje, që nga analizat paraprake ngjan si ndërhyrje nga infiltrimi i brendshëm jo i jashtëm, i krimit kibernetik. Ndodh edhe kjo.

Ngjarje të tilla kanë ndodhur në shumë vende, me kapacitete shumë të larta të mbrojtjes kibernetike, duke nisur që nga SHBA, Rusia etj.

Gjithashtu dua të theksoj një tjetër aspekt të rëndësishëm. Sa të sigurtë duhet të jënë qytetarët në sistemet tona digjitale??, është shprehur Rama.

Më tej Kryeministri ka thënë se do të merren të gjitha masat që të mos ndodhë më një gjë e tillë.

?Në kuadrin e tatimeve, kemi të bëjmë më një sistem të krijuar para më shumë se 8 vitesh ku janë angazhuar forca teknike, pa dashur të hedh fije dyshimi mbi ta, por dua të them që ky sistem dhe ndonjë tjetër i përkasin ndonjë trashëgimie që punohet vijimësisht.

 Një sistem ku bëhen miliona ndërveprime dhe këto dy aspekte, pra puna dhe ngjarja nga ana tjetër nuk janë në asnjë formë teknikisht, të lidhura me njëra-tjetrën. Kjo për të siguruar qytetarët për mbrojtjen e të dhënave.

Ne jemi, ashtu si shumë vende të tjera të hapur ndaj krimit kibernetik.

Ne po punojmë në bazë të marrëveshjes me Qeverinë Amerikane për të përfshirë në atë sistem një nga ekselentët mbrojtjes kibernetike.

Përforcimi i mureve mbrojtëse të këtyre sistemeve do vijojë sistematikisht, dhe për këtë rast meriton të bëhet një hetim nga ekspertë, sepse ky është një sistem i hapur pune. Meqënëse sistemi lë gjurmë në sistem, por nuk janë parë gjurmë të tilla, atëherë infiltrimi i brendshëm është shumë i mundshëm?, është shprehur Rama./E.S-CNA.al





Lajmet e fundit nga