web counter
LEXO PA REKLAMA!

SHKARKO APP

App Store
Google Play

Nga rruga e Arbrit tek skanimi në dogana/ 13.8 miliardë lekë për kontratat koncensionare

26 Tetor 2021, 11:36, Ekonomi CNA

Ministrja e Financave Delina Ibrahimi ka zbardhur sot fondet për koncensionet, që do të jepen vitin që vjen.

13.8 miliardë lekë në vitin 2022 do të shkojnë për kontratat koncesionare nga 12.4 miliardë lekë që është vlera e parashikuar për këtë vit.

Ndërsa sipas zërave, 3 miliardë lekë do të shkojnë për  koncesionin e rrugës së Arbrit, 2 miliardë lekë do të kushtojë shërbimi i Skanimit në Dogana.

Ndërsa koncesioni/PPP (Ofrimi i setit të personalizuar të instrumenteve kirurgjikale, material mjekësor steril një përdorimesh në sallat kirurgjikale, trajtimi i mbetjeve biologjike dhe dezinfektimi i sallave kirurgjikale) do të shkojë  në 1.7 miliardë lekë.

Edhe për inceneratorin e Tiranës do të jepen para.

?Për ndërtimin e landfillit, inceneratorit dhe rehabilitimin e vend-depozimeve ekzistuese Tirane dhe prodhimin e energjisë elektrike do paguaj 1.5 miliardë lekë?, thuhet relacionin e Ministrisë së Financave.

1.3 miliardë lekë do të shkojnë për shërbimet laboratorike spitalore .

Për ndërtim, Operim dhe Mirëmbajtje e Rrugës Milot-Morinë 753 mln lekë./CNA.al





Lajmet e fundit nga