web counter
LEXO PA REKLAMA!

SHKARKO APP

App Store
Google Play

E fundit!

x

“Çdo vendim i tij është zero”/ Berisha i vë “kufi” Bashës

6 Tetor 2021, 17:16, Politikë CNA

Ish-kryeministri dhe lideri historik i Partisë Demokratike, Sali Berisha i ka drejtuar mesazhe të forta kreut të detyrë të PD-së, Lulzim Basha.

Gjatë ?Foltores? në Gjirokastër, Berisha ka paralajmëruar Bashën se ?Vendimi dhe mendimi yt është zero nëse nuk kalon në votën e forumeve dhe votën e anëtarësisë së partisë”. 

Berisha akuzoi Bashën se shpërfilli forumet dhe strukturat e PD, ndërsa shtoi se çdo vendim që anashkalon votën e anëtarësisë, është i pavlefshëm.

“Pas 30 vitesh ky peng na thotë se nuk kemi punë me votën. Sepse them unë, thotë dhe PD sipas tij nuk ka forume, nuk ka anëtarësi, nuk ka statut, nuk ka votë. Faktikisht ky mendon, apo urdhërohet të ekzekutojë plularizimin, por kjo kurrë nuk do të ndodhë, sepse jemi këtu. Vendosa unë, thotë. Zotëri ti mund të mendosh dhe propozosh çfarëdo që dëshiron, por vendimi dhe mendimi yt është zero nëse nuk kalon në votën e forumeve dhe votën e anëtarësisë së partisë. Dhe nëse ai dhunon statutin, dhunon sovranitetin e partisë. Misioni ynë ccfarë është, ccfarë është kjo foltore, pse ne mblidhemi, pse kjo foltore ka ngjallur kaq shumë shpresë, sepse ne s’po bëjmë asgjë tjetër, por t’i rikthejmë PD-së sovranitetin dhe demokracinë e saj, pa të cilat ajo është e destinuar të vdesë. Sovraniteti është shtylla më jetike që një forcë politike të vijë në pushtet”, u shpreh Berisha./CNA.al





Lajmet e fundit nga