web counter
LEXO PA REKLAMA!

SHKARKO APP

E fundit!

x

Nis “Foltorja” e Gjirokastrës/ Berisha “ndez” zemrat e demokratëve

6 Tetor 2021, 16:22, Politikë CNA

Ashtu sikurse ishte paralajmëruar, ish-kryeministri Sali Berisha pasditen e sotme është ndalur në qytetin e Gjirokastrës, ku po zhvillohet ?Foltorja? me demokratët, në kuadër të nismës së liderit të demokratëve për bashkimin e së djathtës dhe kthimin e PD-së, në vlerat e saj.

Takimi zhvillohet në Hotel Olimpik në Gjirokastër, ndërsa ajo që vihet re është mbështetja e qytetarëve ndaj ish-kryeministrit, të cilin e shohin si shpresë për Opozitë, përballë Qeverisë.

Në Gjirokastër, ashtu si dhe në takimet e tjera, Berisha është pritur nga qindra qytetarë, të cilët kanë brohoritur nën thirrjet ?O Sali o hero, gjithë Shqipëria ty të do?.

Kujtojmë këtu se kjo është ?Foltorja? e gjashtë e Berishës. Në fillim ai zhvilloi takim me qytetarët e Tiranës, më pas në Fier, në Vlorë, në Durrës, dhe në Shkodër.

Ndërsa paraditen e sotme, Berisha ka zhvilluar takime me drejtues të degëve të PD-së, në qarkun e Gjirokastrës. Në këto takime Berisha është shoqëruar edhe nga dy deputetët e PD, Flamur Noka dhe Tritan Shehu./CNA.al

Foto-Berisha shëtitje në Gjirokastër/ Takime me qytetarët





Lajmet e fundit nga