web counter
LEXO PA REKLAMA!

SHKARKO APP

App Store
Google Play

"Festa e Birrës" në Korçë, fluks i madh pjesëmarrjeje/ Policia shton masat

22 Gusht 2021, 11:50, Aktualitet CNA

Drejtoria Vendore e Policisë Korçë,  ka njoftuar se ka shtuar masat në kuadër të Festës së Birrës-Gusht 2021.

Duke pasur parasysh fluksin e madh të qytetarëve që vijnë nga i gjithë vendi por edhe nga jashtë vendit për të marrë pjesë në evetin më të madh veror në Shqipëri, Policia apelon që të tregohet kujdes edhe në qarkullim dhe kryesisht në aksin rrugor Qafë Thanë-Korçë.

?Patrullat e Policisë Rrugore dhe ato të Patrullave të Përgjithshme janë prezente në të gjitha akset rrugore, për të menaxhuar ngarkesën e trafikut, rritur sigurinë rrugore dhe duke ushtruar kontrolle për shpejtësinë me radar, për përdorimin e pijeve alkoolike me dragera, për dokumentacionin e nevojshëm dhe duke i ardhur në ndihmë çdo turisti të huaj apo vendas, me orientimin e duhur në lidhje me lëvizjen?, njofton policia.

?Rikujtojmë qytetarët se mbrëmjen e sotme, në këtë aktivitet do të lejohen të hyjnë vetëm personat të cilët janë të pajisur me biletë. Pranë vendit të quajtur “City Center”, këta shtetas do t’i nënshtrohen edhe një kontrolli fizik, ku nuk do të lejohet mbajtja e sendeve të ndaluara dhe më pas do të mund të hyjnë në brendësi të Terminalit, vetëm nëpërmjet hyrjes kryesore nga “City Center”. Shërbimet e Policisë, kanë siguruar dhe janë në marrje e vlerësim të çdo lloj informacioni për persona të cilët mund të kenë tendenca për veprime të dhunshme?, theksohet më tej./CNA.al





Lajmet e fundit nga