web counter
LEXO PA REKLAMA!

SHKARKO APP

App Store
Google Play

Tentoi të korruptonte policin me 20 euro/ Shoqërohet 28-vjeçari

23 Korrik 2021, 11:02, Aktualitet CNA

Policia ka arrestuar shtetasin me inicialet J.X, pasi tentoi të korruptonte me para një punonjës policie në kufi.

Teksa i është kërkuar pasaporta në kufi, 28 vjeçari për të përshpejtuar procedurën, ka vendosur një kartmonedhë 20 euroshe brenda pasaportës.

Policia ka shoqëruar 28-vjeçarin për të vijuar me procedurat e mëtejshme.

Njoftimi i Policisë

Kapshticë

Vijojnë kontrollet e detajuara për goditjen e paligjshmërisë.Goditet një rast i korrupsionit aktiv të personave që ushtrojnë funksione publike.

Punonjësit e Policisë Kufitare në Pikën e Kalimit Kufitar Kapshticë, gjatë kryerjes së proceduarave të regjistrimit të shtetasve që kalojnë kufirin, kanë goditur një rast të korrupsionit.

Shtetasi J. X., 28 vjeç, banues në Elbasan, gjatë kryerjes së procedurave të regjistrimit në hyrje të Republikës së Shqipërisë, në momentin kur punonjësi i Policisë i ka kërkuar pasaportën, ai ia ka dhënë atë, me një kartëmonedhë të prerjes 20 euro në brendësi të saj, me qëllim përshpejtimin dhe shmangien e procedurave të kontrollit të dokumentacionit për kalimin drejt tokës shqiptare, pasi kishte kaluar kufirin në mënyrë të paligjshme nëpërmjet kufirit të gjelbër.

Specialistët për Hetimin e Krimit Financiar-Ekonomik pranë Drejtorisë Vendore të Policisë Korçë kanë shoqëruar shtetasin J. X., 28 vjeç, banues në Elbasan, për veprime të mëtejshme./ CNA.al

 





Lajmet e fundit nga