web counter
LEXO PA REKLAMA!

SHKARKO APP

App Store
Google Play

E fundit!

x

Ja cilët janë kriminelët më të pasur të të gjitha kohërave

20 Maj 2021, 07:22, Blog CNA

Nuk është ndonjë gjë e habitshme që veprimtaria kriminale mund të sjellë shumë më tepër fitime sesa çdo punë e ligjshme. Shumë individë bëhen pjesë e botës së krimit pasi ajo u ofron përparësi të shumta. Trafikimi i qenieve njerëzore, ai i drogës,armëve dhe bizneseve të ndryshme ilegale, u sjellin shumë para atyre. Ja cilat janë kriminelët më të pasur të të gjitha kohërave:

Frenk Lukas

Ishte një trafikant droge nga Shtetet e Bashkuara, që operoi në lagjen Harlem të Nju Jorkut në fund të viteve 1960 dhe fillimin e viteve 1970. Lukas arriti të anashkalonte ndërmjetësit, duke e blerë drogën direkt nga prodhuesit. Në kohërat e arta në një ditë shiste heroinë me vlerë 1 milionë dollarë. Ai kishte një pasuri mbi 52 milionë dollarë, përveç shumë pronave. Vdiq në Nju Xhersi më 30 maj 2019, në moshën 88 vjeçare.

Al Kapone

I njohur ndryshe edhe si Scarface (Njeriu me shenjë), Kapone ishte një gangster i bërë i famshëm gjatë periudhës së Prohibicionit në vitet 1920. Në moshën 33 vjeçare, mori fund mbretërimi i tij 7-vjeçar si lordi i drogës kur ai u dënua me burg. Kapone vdiq më 25 janar 1947, në moshën 47 vjeçare. Në kohën kur vdiq, pasuria neto e tij ishte rreth 100 milionë dollarë.

Xhozef Kenedi Senior

Ishte një biznesmen, investitor dhe ligjvënës i njohur në Shtetet e Bashkuara. Ai grumbulloi një pasuri të madhe, të cilën e ri-investoi në pasuri të patundshme dhe në një larmi sektorësh të kompanive në të gjithë Amerikën. Ai u bë i pasur nga shitja kontrabandë e pijeve alkoolike. Pasuria e tij arriti kulmin në 400 milion dollarë.

Hoakin Guzman, ?El Chapo?

Është një nga trafikantët më të njohur të drogës në Meksikë, ish-udhëheqës i Kartelit Sinaloa. Guzman lindi dhe u rrit në Sinaloa, në një familje të varfër fshatare. U përfshi që kur ishte adoleshent në trafikun e drogës duke ndihmuar babanë e tij të shpërndante kanabisin tek trafikantët e zonës.

Në vitet 1970-1980, ai arriti të bëhej një nga trafikantët kryesorë, dhe më pas arriti të formojë Kartelin e tij, duke prodhuar kokainë, heroinë dhe marijuanë. Para se të arrestohej Guzman kishte një vlerë neto prej 1 miliardë dollarësh.

Griselda Blanko

Njihej ndryshe si ?Vejusha e Zeze?, për shkak të vrasjes së bashkëshortëve të saj. Ajo ishte një trafikante e rëndësishme e drogës, pjesë e Kartelit Medelin, dhe drejtuesja kryesore e trafikut të kokainës në Majemi në fillimin e viteve 2000. Ajo ishte përgjegjëse për afro 2.000 vrasje. Më 3 shtator 2012, u qëllua dhe u vra në moshën 69 vjeçare. Ajo kishte një pasuri prej 2 miliardë dollarësh.

Daud Ibrahim

Është mbreti indian i botës së krimit dhe i drogës, që ka arritur t?i shmanget kapjes nga policia. Ai themeloi në Bombei në vitet 1970, grupimin kriminal ?D Company?, që kërkohet për terrorizëm, vrasje, zhvatje, trafik droge etj. Sipas FBI-së Ibrahim kontrollon 75 për qind të trafikut të heroinës në botë. Pasuria e tij vlerësohet të jetë  rreth 6.7 miliardë dollarë.

Semion Mogileviç

Mogileviç është një bos rus i krimit të organizuar, i njohur mirë si ?bosi i bosëve?nga shumica e grupeve kriminale në Rusi, nga Bashkimi Evropian por edhe agjencitë amerikane të sigurisë. FBI e ka cilësuar si ?mafiozin më të rrezikshëm në botë?. Ai akuzohet për trafik armësh, vrasje me porosi, rrëmbime, trafik droge dhe prostitucion në shkallë globale. Pasuria e tij është mbi 10 miliardë dollarë.

Amado Karrillo Fuentes

Drejtues i Kartelit Juarez të Meksikë. Ai njihet dhe si ?El Senor de Los Cielos?, Zoti i Qiellit, dhe kjo pasi e trafikon drogën përmes flotës së madhe të avionëve që zotëron. Pasuria e tij arriti në rreth 25 miliardë dollarë. Në vitin 1997 iu nënshtrua një operacioni për të mos u njohur nga policia. Truprojat e tradhtuan duke e vrarë në sallën e operacionit.

Pablo Eskobar

Pablo Eskobar është i pakonkurrueshëm në profesionin e tij. ?Mbreti i Kokainës? kishte gati të gjithë monopolin e tregtisë së drogës në Shtetet e Bashkuara. Çdo muaj, organizata e tij çonte 70- 80 ton kokainë në Shtetet e Bashkuara, duke fituar 420 milionë dollarë në javë. Në kulmin e tij, Eskobar renditej si njeriu i 7-të më i pasur në botë, me një vlerë neto prej 30 miliardë dollarësh. U vra në vitin 1993 nga forcat kolumbiane me ndihmën e SHBA-së./ CNA.al





Lajmet e fundit nga