E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Çudia në zgjedhje/ Kush janë kandidatët që nuk kanë votuar as veten e vetë

30 Prill 2021, 15:30, Politikë CNA

Zgjedhjet parlamentare të 25 prillit sollën një sërë surprizash. Me ndryshimet në Kodin Zgjedhor, qytetarët krahas partisë votuan edhe kandidatin e tyre të preferuar.

Kjo bëri, që komisionerët të numëronin fillimisht votat për partitë, nga ku doli fituese PS me 74 mandate, duke lënë në opozitë PD me 59 mandate dhe LSI me 4.

Por surprizat mesa duket janë parë gjatë numërimit të votave të kandidatëve, ku ajo që bie në sy është se shumë prej tyre nuk kanë votuar as veten e tyre.

Në garën e 25 prillit ishin në garë 12 parti politike, të cilat kishin kandidatët e tyre në çdo qark.

Në qarkun e Shkodrës, Balli Kombëtar kieshte 12 kandidatë, nga të cilët rezultoi se tre prej tyre kanë marrë zero vota. Më konkretisht Dorian Vukaj i cili renditej i 7-i në listë, Ardi Mugri i 9-i dhe Hylvi Brahimi i 11-i. Numërimi i kandidatëve në këtë qark ka përfunduar dhe tre emrat e sipërpërmednutr nuk kanë votuar as veten e tyre.

Edhe në qarkun e Dibrës, Balli Kombëtar i drejtuar nga Adriatik Alimadhi, kandidati Dilaver Shala rezulton me zero vota.

Edhe në qarkun e Durrësit, ku Balli mori pjesë në garë me 15 kandidatë, i 13-i i listës Pëllump Brakollari rezulton nga të dhënat zyrtare të KQZ me zero vota.

Në qarkun e Fierit, paria e Alimadhit ka pasur 18 kandidatë, nga të citën dy prej tyre rezultojnë të jenë të pavotuar, pra Tomorr Dyrmishi dhe Sorjana Kume.

Partia Lëvizja Demokratike Shqiptare e Myslim Murrizit ishte e re në këto zgjedhje, por edhe kandidatët e saj kanë dalë pa asnjë votë. Kështu, i shtati në listën e qarkut Shkodër Genc Luanaj dhe i 11-i Violeta Hoxhaj nuk kanë votuar veten e tyre. Edhe në qarkun e Dibrës, kandidatja e pestë Adelina Teta nuk ka preferuar të votojë vetveten, duke përfunduar pa asnjë votë.

Edhe në qarkun e Durrësit, kandidatja e Myslim Murrizitk, Sonila Aliu e cila renditej e teta nuk i ka besuar vetes së vetë votën në zgjedhjet e 25 prillit.

Në Fier para zgjedhjeve, Murrizi u shpreh shpresplotë se do të arrinte të merrte një mandat të sigurt. Kjo jo vetëm nuk u arrit, por kandidatët në listën e tij në këtë qark nuk kanë votuar as partinë as veten e tyre. Ilda Qarri dhe Klaudjo Çoba rezultojnë me zero vota në KQZ.

Në koalicionin Aleanca Bashkimi popullor Emigracioni-Ora e Shpresës dhe Konservatorët i 6-i në listë Anxhelo Nikaj, i 9-i Jurgen Fregjaj dhe i 10-i Bardhe Lisi kanë dalë me zero vota nga zgjedhjet e 25 prillit.

Ndërsa në qarkun e Kukësit, i pari i listës Akil Sokolaj dhe i treti Jetmira Shabani kanë dalë pa asnjë votë nga zgjedhjet e 25 prillit.

Qarku i Lezhës kishte nëntë kandidatë koalicioni Aleanca Bashkimi Popullor Emigracioni-Ora e Shpresës dhe Konservatorët, nga të cilët dy prej tyre nuk kanë marrë as votën e tyre. E treta, Sarina Zaja dhe i shtati Pali Panxhi nuk i kanë besuar vetvetes, por thjesht janë regjistruar mesa duket formalisht.

Partia Aleanca Demokracia e Re ka renditur të 7-in në listë për qarkun e Shkodrës Xhegi Dyrmishi, i cili nuk i ka besuar votën vetes së vetë.

Në qarkun e Kukësit, Bindja Demokratike kishte tre kandidatë, ndërsa e fundit Klodiana Hasanaj ka dalë me zero vota.

Astrit Patozi, kandidoi në qarkun e Gjirokastrës gjashtë kandidatë, ku i pesti i listës Klaudjo Monçe mesa duket e ka regjistruar emrin formalisht, pasi nuk ka marrë asnjë votë.

Partia Nisma Thurja, një parti e re në zgjedhjet e 25 prillit erdhi si prurje për qytetarët por që nuk arriti të merrte asnjë mandat në Parlamentin e ardhshëm. Në qarkun e Lezhës, kjo parti përfaqësohej nga nëntë kandidatë, nga të cilët Kejsi Pepa e renditur e teta, e ka parandjerë rezultatin në këto zgjedhje dhe ka preferuar që votën e saj tja besojë një tjetër partie.

Në qarkun e Vlorës, Elsina Gjindali dhe Anisa Aliu që u renditën në listën e kandidateve dhe që pretendohej të kërkonin votat tek qytetarët dhe të njohurit, rezultojnë të mos kenë votuar as vetveten.

Lëvizja e Re, një tjetër parti e re ka kandiduar në 12 qarqet, ku në Lezhë kishte nëntë kandidatë. E shtata e listës, Suzana Nikshiqi në 25 prill nuk dihet se kujt ia ka besuar votën, ose nëse ka votuar apo jo, pasi ajo nga të dhënat e KQZ rezulton me zero vota.

Edhe në qarkun e Durrësit, dy kandidatët e LRE të Arian Galdinit, nuk kanë marrë asnjë votë. Më konkretisht, bëhet fjalë për të 11-tën Dorina Veliu dhe të 13-in Muharrem Gega.

Ndërsa në Vlorë, një qark ku dominon e majta, kandidati i Galdinit, Gentian Halilaj nuk ka preferuar të votojë as veten e vet.

LRE mori pjesë edhe në qarkun e Korçës, ku kandidatja Xhoi Laraku që renditej e 11-a në listë nuk ka marrë asnjë votë.

Edhe në qarkune Tiranës, që është edhe qarku më i madh rezultojnë që të jenë disa kandidatë nga parti të ndryshme që nuk kanë marrë asnjë votë, pra që nuk kanë votuar as vetveten./CNA.al