web counter
LEXO PA REKLAMA!

SHKARKO APP

App Store
Google Play

E fundit!

x

Dy ditë na ndajnë nga zgjedhjet/ Floriana Garo thirrje shqiptarëve: Mos qëndroni në shtëpi

23 Prill 2021, 19:27, Politikë CNA

Kur kanë mbetur vetëm dy ditë nga zgjedhjet parlamentare, zëdhënësja e fushatës elektorale në PD, Floriana Garo, ka dhënë një mesazh për qytetarët.

Në një deklaratë për shtyp, Garo ftoi shqiptarët të votojnë masivisht dhe askush të mos qëndrojë në shtëpi, pasi pretendon se këto zgjedhje janë kritike për vendin.

?Një herë në 4 vjet ne kemi rastin që të ndryshojmë të ardhmen tonë. Dhe këtë herë, këto janë zgjedhje kritike në historinë e Shqipërisë. A do të vijojmë me Shqipërinë e Ramës? A do të vazhdojmë me vuajtje, varfëri dhe ikjen masive të të rinjve? Apo do të nisim një rrugëtim të ri, plot me shpresë.

Është në dorën tonë dhe ne nuk duhet të dorëzohemi e dëshpërohemi, ne nuk duhet të heqim dore nga lufta për Shqipërinë tonë.

Nëse ne të githë shkojmë të votojmë, Shqipëria do të nisë një rrugëtim suksesi dhe prosperiteti. Nëse ne të gjithë shkojmë të votojmë, ne mund të kemi një jetesë dinjitoze dhe të jetojmë një jetë të mirë në vendin tonë. Vetem nese ne te gjithe shkojme te votojme per Partine Demokratike me Lulzim Bashen dhe Aleancen per ndryshim do te mund te hapim nje faqe te re ne historine e Shqiperise.

Askush nuk duhet të qëndrojë në shtëpi, ne të gjithë duhet të gjejmë qendrat e votimit, të dalim dhe të sjellim ndryshimin. Duke votuar 9, së bashku do të sjellim shpresën në Shqipëri! Shqipëria fiton!?, theksoi demokratja./ CNA.al





Lajmet e fundit nga