web counter
LEXO PA REKLAMA!

SHKARKO APP

App Store
Google Play

Basha thirrje socialistëve të zhgënjyer/ “Votoni alternativën më të mirë në 25 prill”

23 Prill 2021, 18:03, Politikë CNA

Kreu i Partisë Demokratike Lulzim Basha në mbyllje të fushatës elektorale u ka bërë thirrje të gjithë socialistëve të zhgënjyer që të votojnë për alternativën më të mirë, për PD.

Nga sheshi Nënë Tereza, Basha u shpreh se Rama ka tetë vjet që u ka hipur në kurriz shqiptarëve dhe se sipas tij kjo e keqe do të marrë fund të dielën.

?Ndryshimi do të vijë për gjithsecilin prej jush. Nuk ka gjë më të shtrenjtë në botë se të votosh për veten dhe të afërmit e tu.

Qindra mijëra socialistë të zhgënjyer bashkohuni me shpresën. Kjo është Shqipëria e të gjithëve ne. Ejani dhe bashkohuni dhe votoni numrin 9.

Qeveria e dalë pas 25 prillit do të jetë qeveria e të gjithë shqiptarëve dhe se unë do të jem kryeministri i të gjithë shqiptarëve. E di barrën e rëndë të përgjegjësive pas datës 25. I kemi parë rrënimet dhe rrënojat. Ky më 8 vitet e tij ka hipur mbi shpinën e shqiptarëve. Dita e fitores së thellë do të bëjë të mund atë që dimë të bëjmë kur jemi bashkë, zhvillim dhe përparim dhe hapjen e derës drejt misionit Shqipërisë anëtare në Bashkimin Evropian?, tha Basha./CNA.al





Lajmet e fundit nga