E fundit!

16:59 Aktualitet

Dritan Prençi, kasaphanë me dosjen e inceneratorit të Tiranës

Avokatja Adriana Kalaja e ka cilësuar si kasaphanë punën e...

“Korça është djepi i kulturës jo i baltës dhe i shpifjes”/ Dega e PS: PD-LSI janë të dëshpëruar nga humbja

23 Prill 2021, 16:49, Politikë CNA

Dega e Partisë Socialiste në Korçë ka dalë me një deklaratë përmbyllëse në kuadër të fushatës zgjedhore.

Duke shprehur bindjen për një mandat të tretë dhe fitore të thellë në zgjeedhjet e 25 prillit, PS Korçë ka dënuar gjuhën e ashpër të opozitës dhe veprimet e tyre për kërcënime dhe vrasje ditën e zgjedhjeve.

Selia rozë ka ironiazuar edhe opozitën, që shprehen se do ta bëjnë Korçën shtëpinë e tyre, ku theksojnë se ky qytet është djepi i kulturës dhe i qytetarisë, jo i baltës dhe i shpifjes.

?Fushatën zgjedhore ashtu sikurse edhe e filluan, zgjodhën ta mbyllin me një deklaratë të dëshpëruar dhe qesharake.

Të kapur nga paniku i humbjes së thellë, në vend që të kërkojnë ndjesë publike për bëmat ndaj qytetarëve të Korçës dhe gjithë qytetarëve të Shqipërisë, të cilët kanë qenë të detyruar të dëgjojnë gjatë ditëve të fundit për kandidatë të dëshpëruar që japin ryshfet duke blerë votën, me zë e figurë, ata përpiqen dëshpërimisht t?u hedhin atyre hi syve duke larguar vëmendjen e duke baltosur njerëz.

Ju jeni saktësisht shëmbëlltyra si politika NUK duhet te jete.

Do te largoheni nga Korça duke lënë pas vetëm sharje, shpifje dhe kërcitjen e mbylljes se dyerve te shtëpive ne fytyre.

Nëse ju referohemi fakteve që dalin pothuajse çdo dy orë për ju, dhe të tjerave që priten të dalin në vijim, qytetarët e kanë kuptuar që ju jeni errësira, regresi, shëmtia e modelit që nuk duhet kurrë të ndjekin.

Të rinjtë kanë zgjedhur tashmë modelin e njerëzve të punës, që e kanë transformuar Korçën në çdo cep, e kanë kthyer në standardin e një qyteti evropian.

Dhe në mbyllje të deklaratës tuaj ajo që është edhe më qesharake është fakti që ju thoni se do ta bëni Korçën shtëpinë tuaj. Korça nuk mund të jetë kurrë shtëpia juaj!

Korça është djepi i kulturës dhe i qytetarisë, jo i baltës dhe i shpifjes.

Ecim përpara me të gjithë forcën, për gjyshërit, fëmijët, prindërit, të rinjtë, për Korçën?, thuhet në deklaratë./CNA.al