web counter
LEXO PA REKLAMA!

SHKARKO APP

“S’mund ta marrin pushtetin me dhunë”/ Moisiu: Dikush thotë të vras e tjetri thotë të pres

23 Prill 2021, 14:16, Politikë CNA

Ish-presidenti i Republikës Alfred Moisiu është shprehur se partitë politike nuk duhet të dalin mbi shtetin duke krijuar struktura paralele, sepse askush nuk mund të dalë mbi kushtetutën dhe ligjin.

Ai shprehet se në prag të zgjedhjeve është krijuar një klimë tensioni ku dikush thotë të vras e dikush tjetër thotë të pres.  Sipas Moisiut, fajin për gjithçka që po ndodh e kanë politikanët pasi kërkojnë të marrin pushtetin me dhunë.

?Si ish President, si qytetar aktiv dhe si një prej jush që jetoni me ndershmëri dhe me shpresën për një Shqipëri më të mirë, dua të shpreh shqetësimin e thellë dhe papajtueshmërinë me klimën e tensionit artificial dhe ta panevojshëm, për incidentet e dhunshme dhe rastet e shkeljes së rregullave demokratike në prag të votimit të 25 prillit. Është krijuar një klimë tensioni e paparë, dikush thotë të vras, dikush thotë te pres, cfarë po ndodh kështu ne nuk po shkojmë në luftë. Partitë dalin mbi shtetin, s?mund të krijojnë partitë struktura mbi ato shtetërore. Shteti ka strukturat e tij, nëse nuk janë në rregull faji i kujt është? Faji i këtyre politikanëve që bërtasin më shumë. Këta e kanë përgjegjësinë. Duan pushtetin, po s?mund të marrin pushtetin me dhunë. Pushteti merret me votë.? ,tha Moisiu./CNA.al





Lajmet e fundit nga