E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

“Kam qenë me ju në ditë të vështira”/ Basha: Tetë vite dimër marrin fund ditën e diel

23 Prill 2021, 15:29, Politikë CNA

Kreun e Partisë Demokratike Lulzim Basha dita e fundit e fushatës elektorale e gjeti në Elbasan nga ku premtoi se këto tetë vite keqqeverisje do të marrin fund më 25 prill.

Ai shprehet i sigurt , se fitorja e Partisë Demokratike, do të thotë fitore për të gjithë qarkun e Elbasanit, e të gjithë Shqipërinë.

Më tej, Basha shprehet se ka qenë me qytetarët në ditët e një dimri pafund, ku priteshin dritat e familjeve në lagjet e vjetra të Elbasanit, ku hiqej buka e fëmijëve.

“Mirë se ju gjej vëllezër dhe motra, në këtë mbrëmje të mrekullueshme kthehem në Elbasanin tuaj, në Elbasanin tim, në zemrën e Shqipërisë, zemrën që rreh për fitoren më të thellë të Elbasanit. Për fitoren më të bukur të Elbasanit, fitoren e familjeve të Elbasanit. Vëllezër dhe motra, tetë vite me radhë kam qenë me ju, në ditët e një dimri pafund, ku priteshin dritat e familjeve në lagjet e vjetra të Elbasanit, ku hiqej buka e fëmijëve të Elbasanit.

Tetë vite, tetë vite dimër marrin fund ditën e diel. Këtu jemi mbledhur si asnjëherë që nga kjo zemër e kombit të ushtojë në mbarë shqipërisë thirrja që buron nga zemra e çdo elbasanasi, ndryshim, bashkë për ndryshim, fitore! Fitore e çdo banori të këtij qarku fisnik, nga Përrenjasi në Gramsh, nga Librazhdi në Cërrik, nga Dumreja në Peqin. Këtu në zemrën e qarkut, Elbasanin e fisnikërisë?, u shpreh Basha./CNA.al